Хаартыска: Ил Дархан, бырабыыталыстыба дьаһалтатын пресс-сулууспата
Билим күнүгэр эдэр учуонайдар Владимир Путин уопсастыбаннай приемнайыгар кэлэн, бэйэлэрин этиилэрин киллэрдилэр. Бу этиилэрэ Саха сиригэр эрэ буолбакка, Уһук Илиҥҥэ билими сайыннарыыга туһуланаллар.
Бастатан туран, «эдэр учуонай» диэн өйдөбүлү уларытар туһунан эттилэр. Билигин бу статус 35 сааһын ааһа илик учуонайга иҥэриллэр. Ону 39 сааска диэри уһатар туһунан этэллэр. Тоҕо диэтэр, Арассыыйаҕа биэнсийэҕэ тахсар саас уһаабыта.
Учуонай каадырдар Саха сиригэр хаалалларын туһугар кэккэ миэрэлэри киллэрэри туруорсаллар. Холобур, учуонайдары Уһук Илин ипотекатын бырагырааматыгар киллэрэн, учууталлары, миэдиктэри тэҥэ, чэпчэтиинэн туһаналлара оруннаах. Ону тэҥэ, Саха сирин чинчийэр кииннэрин, лабораторияларын Арассыыйа бастыҥ научнай тэрилтэлэрин таһымынан хааччыйаллара буоллар, учуонайдар барыылара аҕыйыаҕа диэн этэллэр.
Владимир Путин уопсасыбаннай приемнайа 2023 сыл ахсынньытыттан үлэтин саҕалаабыта. Кулун тутар 15 күнүгэр диэри үлэлиэҕэ. Манна волонтердар олохтоохтортон араас этиилэри хомуйан, бэрэсидьиэҥҥэ хандьыдаат Владимир Путиҥҥа ыыталлар.
Санатар буоллахха, бүгүҥҥү күҥҥэ бэрэсидьиэн быыбарыгар 4 хандьыдаат регистрацияланна: бэйэтэ туруоруммут Владимир Путин уонна араас баартыйалартан Николай Харитонов, Леонид Слуцкай, Владислав Даванков.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…