Хаартыска: Ил Дархан пресс-сулууспата
Саха Өрөспүүбүлүкэтин волейболга ыччат хамаандата муус устар 30 күнүгэр Башкортостан Уфа куоратыгар аан дойдутааҕы турнирга кыттарга былааннаналлар. Саха сирин эдэр волейболистара кулун тутарга Соҕуруу Сахалин куоракка буолбут Уһук Илин күрэхтэһиитигэр иккис миэстэни ылбыттара.
СӨ ыстаарсай тириэньэрэ, ыччаттар ортолоругар волейболга эппиэтинэстээх тириэньэр Айсен Жерготов иһитиннэрбитинэн, хамаанда “Азия оҕолоро” успуорт аан дойдутааҕы VIII оонньууларыгар былаан быһыытынан бэлэмнэнэр.
«Биһиги 2022 сыллаахха Владивостокка ыытыллыбыт VII оонньуулар кэннилэриттэн тута бэлэмнэнэн барбыппыт. Сүүмэрдэммит хамаандаҕа Эдьигээн, Сунтаар, Таатта, Амма, Чурапчы, Нам улуустарыттан уонна Дьокуускай куораттан волейболистар бааллар”, — диэн ыстаарсай тириэньэр кэпсээтэ.
Волейболистар нэдиэлэҕэ биэстэ ХИФУ уонна АГАТУ баазаларыгар эрчиллэллэр.
«Оҕо успуордугар аан дойдутааҕы оонньуулар олус эппиэтинэстээхтэр, оҕолорбут долгуйаллар. Биһигини барытыгар өйүүр төрөппүттэрбитигэр махтаныахпытын баҕарабыт. Кистэл буолбатах, ситиһии аҥаара төрөппүттэртэн тутулуктаах. Успуорт бу көрүҥэ хамаанда үлэтэ, эрчиллиэххэ, биир дьиэ кэргэн курдук буолуохха наада, оччоҕо эрэ түмүк баар буолар. Биһиги эрчиллэрбитигэр усулуобуйа барыта баар. Айсен Николаев салайааччылаах өрөспүүбүлүкэ салалтатыгар оҕо успуордун өйүүллэригэр олус махтанабыт”, — диэтэ Айсен Жерготов.
“Азия оҕолоругар” ыччаттарга волейбол күрэхтэһиилэрэ Дьокуускай куорат Новопортовской оройуонугар “Стерх” успуорт саалатыгар ыытыллыахтара.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…