Эдэр ыалга 6%-наах кирээдьиити биэриигэ сокуон барыла оҥоһулунна

Госдуумаҕа эдэр элбэх оҕолоох ыалларга уонна байыаннай дьайыы кыттыылаахтарыгар олорор дьиэ атыылаһарга, туттарга эбэтэр саҥардыыга кирэдьиит усулуобуйатын уларытар сокуон барыла оҥоһуллан киирдэ.

Чэпчэтиилээх кирэдьиити 6%-наах ыстаапканан биэрэргэ былаанныыллар. Чэпчэтиинэн туһанарга дьиэ кэргэҥҥэ иккиэн эбэтэр биирэ Арассыыйа олохтоохторо буолаллара ирдэнэр.Чэпчэтиилээх кирэдьиит олорор дьиэ боппуруоһун быһаарыыга ананыаҕа: тутууга, саҥардыыга уонна атыылаһыыга. Маны таһынан, 2026 сыл тохсунньу 1 күнүттэн киирэр уларыйыыларынан, дьиэ кэргэн уонна оҕо ахсаанын категориятыттан көрөн, кирэдьиит төлөбүрүн көҕүрэтэргэ судаарыстыбаттан өйөбүл көрүллүөҕэ:

• — эдэр ыал оҕолонноҕуна эбэтэр оҕо ииттэ ыллаҕына — иэс төлөбүрүн сууматыттан — 10%-на, иккис оҕоҕо — кирэдьиит сууматыттан 20%-на;
• — байыаннай дьайыы кыттыылаахтарыгар – биир оҕолоохторого — 40%, икки уонна онтон элбэх оҕолоохторго — 60%;
• — үстэн элбэх элбэх оҕолоох ыалларга — 75% уонна түөрт уонна онтон элбэх оҕолоох ыалга — 100%.

Быһаарыы сурукка быһаарылларынан, бу сокуон барыла дойду дьиэ кэргэттэрин олорор дьиэлэрин-уоттарын кыһалҕаларын быһаарыыга федеральнай бүдььүөттэн эбии үбү-харчыны тардарга, олохторун таһымын үрдэтэргэ уонна оҕо төрөөһүнүн үрдээһиниин көҕүлүүргэ туһулунар.