Эдэр ыаллар оҕо кэлээскэтин уорбуттар

Бу күннэргэ ИДьМ полиция 2-c №-дээх дьуһуурунай чааһыгар эдэр ийэттэн 28 тыһ. солкуобайдаах оҕо кэлээскэтэ сүппүтүн туһунан үҥсүү түһэрбит.

Холуобунай ирдэбил  үлэһитэ балаһыанньаны үөрэтэн баран уорбаланааччылары булбут. Ол курдук, уорбаланааччылар 20 саастаах эдэр ыал буолан биэрбиттэр. Кинилэр эмсэҕэлээбит дьахтартан чугас олороллор эбит. Эдэр ыал кэлээскэни уораат сарсыныгар «Юла» сыһыарыыга кэлээскэ атыытын биллэриитин таһаарбыттар.

Билигин Арассыыйа Федерациятын Холуобунай кодексатын 158 ыст. 2 ч. «Уоруу» диэнинэн холуобунай дьыала тэриллибит. Уорбаланааччылар хоромньуну төлөөбүттэр диэн ИДЬМ пресс-сулууспата иһитиннэрэр.