Эдэр ыалларга бырыһыана суох ипотеканы биэриэхтэрин сөп
Элбэх оҕолоох эдэр ыаллар дьиэ ылалларыгар бырыһыана суох кирэдьиити биэриэхтэрин сөп. «Известия» суруйарынан, сэтинньи 14 күнүгэр сокуон барылын Госдуумаҕа киллэрдилэр.
Эдэр ыаллар харчынан мунньунуулара суох эрээри, үлэлиир-хамсыыр буолан, дохуоттаахтар, кирэдьиити төлүүр кыахтаахтар. Ол эрээри, элбэх иитимньилээх буолан, туораттан көмөтө суох, улахан бырыһыаннаах ипотеканы ылаллара ыарахан.
— Статистиканы көрүҥ — 2022 сылга дойду нэһилиэнньэтин ахсаана 600 тыһыынча киһинэн көҕүрээтэ. 2021 сылга мөлүйүөнтэн тахса киһини сүтэрбиппит. Сыл аайы биирдии улахан куорат сүтэн иһэр курдук. Бу олус кутталлаах балаһыанньа. Онон демография боппуруостарын эдэрдэр уонна элбэх оҕолоох ыаллар көмөлөрүнэн быһаарыахха сөп, — диэн баартыйа баһылыга Сергей Миронов этэр.
Манна даҕатан эттэххэ, сотрутааҕыта Федерация Сэбиэтини бэрэссэдээтэлэ Валентина Матвиенко элбэх оҕолоох ыаллары НДФЛ дохуотуттан босхолуурга диэн этии киллэрбитэ.
Бу сокуон барылын Госдуума ылыннаҕына эрэ, күүһүгэр киирэр.
Сообщить об опечатке
Текст, который будет отправлен нашим редакторам: