Эдэр ыалы өйүөҕүҥ!

Бүтүн Арассыыйатааҕы «Сыл бастыҥ ыала-2024» куонкуруска Саха сириттэн Валерия, Константин Владимировтар кыыстара Сандааралыын кытта сылдьаллар. Кинилэр Ньурба улууһугар олороллор. Билигин «Народная симпатия» номинацияҕа куоластааһын буола турар.

Куоластааһын от ыйын 31 күнүгэр диэри буолар. Билиҥҥитэ Владимировтарга 7623 куолас баар, үһүс миэстэҕэ сылдьаллар. Владимировтар «Сыл бастыҥ ыала-2024» куонкуруска «Эдэр дьиэ кэргэн» номинацияҕа кытталлар.

Хайдах куоластыыбыт?

1. «ВКонтакте» социальнай ситимҥэ киирэҕит:  https://vk.com/write-224305407
2. Чат-ботка «НАЧАТЬ» диэн кунуопканы баттыыгыт.
3. «Дальневосточный ФО» диэн эрэгийиэни талаҕыт.
4. «Республика Саха (Якутия)» диэн талаҕыт.
7. «Проголосовать» диэн кунуопканы баттыыгыт.

«ВКонтакте» социальнай ситимҥэ киирэн, Владимировтар устубут, дьиэ кэргэннэрин туһунан кэпсиир роликтарын көрүөххэ сөп.

«Сыл бастыҥ ыала» куонкурус быйыл тохсус төгүлүн ыытыллар. Сыллата 4 тыһыынчаттан тахса дьиэ кэргэн кыттарга сайаапка биэрэр. Быйыл куонкуруска маннык номинациялар бааллар:

• «Элбэх оҕолоох дьиэ кэргэн»;
• «Эдэр дьиэ кэргэн»;
• «Тыа сирин ыала»;
• «Кыһыл көмүс ыал»;
• «Дьиэ кэргэн — үгэстэри харыстааччы».