Эдэр ыччаттар ортолоругар тахсыбыт айдаанынан полиция бэрэбиэркэ ыытар

Балаҕан ыйын 12 күнүгэр ИДьМ Жатайдааҕы полициятын дьуһуурунай чааһыгар, Жатай бөһ. Севернай уулуссаҕа эдэр ыччаттар бөлөхтөрүн икки ардыгар иирсээн тахсыбытын туһунан иһитиннэрии киирбит.

Ыйыллыбыт аадырыһынан полицейскайдар тиийбиттэрэ, араллаан тахсыытыгар сыһыаннаах түөрт эдэр киһи баар эбит. Салгыы иирсээҥҥэ кыттыгастаах өссө атын дьону быһааран, барыларынарыларын отделга илдьибиттэр. Ол курдук үөрэх кыһатын устудьуоннара, 15-21 саастаах олохтоох уолаттар итиэннэ  35 саастаах эр киһи баар эбит.

Барыллааһын быһыытынан, киэһэ уулуссаҕа  биир устудьуон эрдэҕэс уолу сэмэлээбит. Дьэ онтон айдаан тахсыбыт.

Билигин туһааннаах араллаанынан полиция бэрэбиэркэ ыытар.