Хаартыска В.Яковлева тиксэриитэ
Биһиэхэ, Бэрдьигэстээххэ, тиис оҥорооччу Архип Андреев ылбыт идэтин толору баһылаан, таһаарыылаахтык үлэлии сылдьар.
Онон, этэргэ дылы, горнайдар тиис боппуруоһугар абыранныбыт. Ол курдук, кини үлэтигэр кыһамньытын уурар, дьоҥҥо-сэргэҕэ истиҥник сыһыаннаһар, хас тиийбит пациеҥҥа барытын сиһилии быһаарар, сүбэ-ама биэрэр, билиитэ-көрүүтэ сөхтөрөр, үөрдэр. Дьон-сэргэ махталын ылыан ылар. Тиистэрин оҥотторбут дьоннор хайгыыллар, махтаналлар. Тоҕо диэтэххэ, тиис оҥоруута эмиэ айымньылаах үлэни, сатабылы ирдиир. Киһиэхэ сөп түбэһэрин ааһан, бөҕө уонна сиэдэрэй көстүүлээх буолуон наада. Оттон дьоҥҥо аныгы үйэ ирдэбилинэн, олус табыгастаах усулуобуйа олохтонон барыбытыгар да бэрт. Ол курдук, тэйиччиттэн олорон, сибээс көмөтүнэн тиис оҥоттороору уочаракка суруттараҕын. Болдьоммут чааскар эрдэттэн бэлэмнэнэн тиийэҕин. Архип Архипович тиийбит дьоҥҥо болҕомтотун уурар.
Архип Андреев Бэрдигэстээх орто оскуолатын ситиһиилээхтик бүтэрэн, 2010 сыллаахха Дьокуускайга мэдиссиинэ кэллиэһигэр туттарсан киирбитэ. Үөрэҕин бүтэрээт, төрөөбүт дойдутугар кэлбитэ. Онон дьонугар-сэргэтигэр көмөлөһөн улаханнык абыраата. Эдэр үлэһиккэ махталбыт муҥура суох. Киниэхэ үлэтигэр ситиһиини баҕарабыт.
Валентина Яковлева,
Атамай, Горнай
Хаартыска В.Яковлева тиксэриитэ.
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…
Бүгүн, балаҕан ыйын 18 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…