Бу сарсыарда Эдьигээн улууһун Бэстээҕэр хочуолунай умайбытынан соторутааҕыта суһал ыстаапка СӨ Бырабыыталыстыбатын бэрэссэдээтэлэ Дмитрий Садовников кыттыылаах үһүс мунньах буолан ааста.
Санатар буоллахха, оскуола-саады, биэс чааһынай дьиэни уонна гарааһы итиинэн хааччыйар хочуолунай барыта умайбыт, чөлүгэр түһэрии хайдах да ыытыллар кыаҕа суох. Баһаар турбут төрүөтэ быһаарыллар.
«Сарсыарда алта чаастан бу боппуруоска үс суһал мунньаҕы ыыттыбыт. Үһүс мунньах кэнниттэн электроконвектордары туһанар туһунан быһаарынныбыт», — диэтэ Дмитрий Садовников.
Билигин миэстэтигэр Эдьигээн улууһун баһылыгын э.т. Дмитрий Татаринов үлэлиир. Бүгүн СӨ ОДьКХ уонна энэргиэтикэҕэ миниистирэ Вячеслав Емельянов салайааччылаах оробуочай бөлөх айаннаата. Иккис бөлөх Бүлүү улууһуттан көмөҕө диэн айаннаабыт.
«Бэстээх ыраах, федеральнай суолунан 277 км тэйиччи сытар. Онон, ортотунан, 18 ч айанныахтара. СӨ тырааныспарка министиэристибэтэ иһитиннэрбитинэн, суол туруга этэҥҥэ», — диэн Дмитрий Садовников иһитиннэрбит.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…