Хаартыскаҕа Андрей Сорокин түһэриитэ, СИА
Эдьигээҥҥэ быйыл эргиэн-логистика киинин үлэҕэ киллэриэхтэрэ.
Ил Дархан Айсен Николаев от ыйын 18 күнүгэр, Эдьигээҥҥэ тутуу хаамыытын билистэ. «Эбийиэги болдьоммут кэмигэр, сэтинньи бүтүүтүгэр, үлэҕэ киллэрэр наада», — диэн Ил Дархан сыал-сорук туруорда.
«Якутоптторг» АУо бэрэстэбиитэлэ иһитиннэрбитинэн, эргиэн-логистика киинин биир ыскылаата бэлэм, онно 165 туонна социальнай суолталаах ас-үөл баар. Ону таһынан, өссө атырдьах уонна балаҕан ыйдарыгар табаар кэлиэхтээх.
Бырайыак 141 мөл солк. Сакаасчыт «Якутоптторг» АУо тутууга бэйэ матырыйаалларын атыылаһан аҕалар. Сирин-уотун тупсаран оҥоруу уонна эбии эбийиэктэри киллэрии сүрүн киин кэнниттэн салҕаныахтаах. Тутуу уопсай иэнэ — 578,49 кв м. Манна атыы-тутуу саалата, оҕуруот аһын хаһаанар сир, аһы сойутар, тоҥорор камералар, сылаас, тымныы ыскылааттар баар буолуохтаахтар. Билигин тымныы ыскылааты тутар-монтажтыыр үлэ бүтэн эрэр, киин муостатын бетоннууллар, ититии ситимин сыбааркалыыллар, о.д.а. үлэ тиһиктээхтик салҕанар.
Санатан эттэххэ, Арктика оройуоннарыгар эргиэн-логистика кииннэрэ Ил Дархан «О Стратегии социально-экономического развития Арктической зоны Республики Саха (Якутия) на период до 2035 года» ыйааҕынан тэриллэллэр. Айсен Николаев сорудаҕынан, 2025 сылга диэри өрөспүүбүлүкэ 13 арктическай оройуона эргиэн-логистика кииннэниэхтээх. Билиҥҥитэ биэс киин: Абыйга Белай Гораҕа, Усуйаанаҕа Усть Куйгааҕа, Аллараа Халымаҕа Черскэйгэ, Үөһээ Халымаҕа Зырянкаҕа, Анаабырга Сааскылаахха үлэлииллэр. Маннык кииннэр туһалаахтара көһүннэ. Ол курдук, социальнай суолталаах табаарынан хааччыллаллар, оҕуруот аһын уонна аһы-үөлү уһуннук хаһаанар сирдээхтэр.
СӨ Ил Дархан уонна Бырбыыталыстыба пресс-сулууспата
Хаартыскаҕа Андрей Сорокин түһэриитэ, СИА
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…