Хаартыска Эдьигээн улууһун дьаһалтатын саайтыттан
Эдьигээн олохтоохторо сэргэхсийэн, улаханнык үөрэн олороллор. Ол курдук, эргиэн-логистика кииннэннилэр.
Санатан эттэххэ, Ил Дархан Айсен Николаев сорудаҕынан, 2025 сылга диэри Арктика бары 13 улууһугар маннык кииннэр тэриллиэхтээхтэр.
Үөрүүлээх тэрээһин алгысчыт Михаил Ефимов алгыһынан саҕаламмыт. Салгыы СӨ Арктика сайдыытын уонна хотугу норуоттар дьыалаларын миниистирин бастакы солбуйааччы Сергей Неустроев, «Якутоптторг» АУо генеральнай дириэктэрэ Николай Алексеев хоту дойду олохтоохторун сылы эргиччи харгыһа суох аһынан-үөлүнэн, сибиэһэй фруктанан хааччыйар кииннэммиттэринэн эҕэрдэлээбиттэр. Бэйэлэрин эҕэрдэлэрин дойдулаахтарыгар улуус баһылыга Василий Сорокин уонна нэһилиэк баһылыга Степан Портнягин тиэрдибиттэр. Бу үөрүүлээх күн СӨ Арктика сайдыытын уонна хотугу норуоттар дьыалаларыгар министиэристибэ «За вклад в развитие Арктики» бэлиэни Эдьигээн оройуонун Бочуоттаах олохтооҕор, СӨ норуот хаһаайыстыбатын үтүөлээх үлэһитигэр Николай Иванович Петровка туттарбыт. «Якутоптторг» АУо махтал суруга Эдьигээннээҕи филиал үлэһитигэр Андрей Николаевка, «За вклад в развитие Жиганского района» бэлиэ филиал продавеһыгар Туйаара Егороваҕа туттарыллыбыттар. Эдьигээн нэһилиэгин баһылыга Степан Портнягин махтал суругу уонна өйдүү-саныы сылдьарга бэлэхтэри «Якутоптторг» АУо генеральнай дириэктэригэр уонна Эдьигээннээҕи филиал салалтатыгар туттарбыт.
Үөрүүлээх тэрээһиҥҥэ мустубут нэһилиэк олохтоохторо эргиэн-логистика киинин көрдүлэр уонна аһы-үөлү хамаҕатык атыыластылар диэн суруллар улуус дьаһалтатын саайтыгар.
—Эбийиэк оройуон олохтоохторун кыһалҕаларын быһаарарыгар, өр кэмҥэ дьону-сэргэни үөрдэ турарыгар, хоту дойдуга олохторун хаачыстыбатын тупсарарыгар эрэнэбин. Эдьигээн олохтоохторо бу эргиэн-логистика кииниттэн сөптөөх сыанаҕа сибиэһэй аһы-үөлү атыылаһаллар. Эргиэн-логистика киинэ аныгы тэриллээх, оҕуруот аһын хаһаанар сирдээх, сылаас уонна тымныы ыскылааттардаах, киэҥ-куоҥ саалалаах. Маны таһынан, киин нэһилиэнньэттэн балыгы уонна эти, сир аһын тутуоҕа. Манна өссө кэнсиэрбэ оҥорор сыах баар буолуоҕа. Урукку эргэ тутууга түөрт киһи үлэлээбит буоллаҕына, бу саҥа кииҥҥэ аҕыс киһи үлэлиир. Кэнсиэрбэ оҥорор сыах баар буоллаҕына, үлэһиттэр өссө элбиэхтэрэ, — диэбит Николай Алексеев.
—«Якутоптторг» номнуо ахсыс кииннэммитэ үөрүүлээх. Маннык киин баара нэһилиэнньэ олоҕун хаачыстыбатын, хоту улуустары аһынан-үөлүнэн хааччыйыыны тупсарар. Аны мантан ыла, дьон-сэргэ сылы эргиччи оҕуруот аһынан, фруктанан, наадалаах аһынан-үөлүнэн хааччыллыахтара«, — диэн Сергей Неустроев бэлиэтээбит.
—Биһиги «Һокто» фольклор ансаамбылынан тэрээһиҥҥэ кытынныбыт. Манна оҕолорбун, сиэннэрбин кытта кэлбитим. Наадалаах аспытын-үөлбүтүн атыыластыбыт. Барыта сибиэһэй уонна атыылаһааччыга табыгастаах буоларын курдук барыта хаалаах. «Якутоптторг» АУо үлэтэ-хамнаһа сайдан, кэҥээн иһэригэр баҕарабыт«, — диэн Саргылаана Яковлева үөрүүтүн үллэстибит.
Эдьигээн улууһун дьаһалтатын саайтыттан
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар…
Ыам ыйын 8-9 күннэригэр Үөһээ Бүлүү улууһун Мэйик нэһилиэгэр Кыайыы 80 сылын көрсөр тэрээһин үрдүк…
Улуу Кыайыы 80 сылын көрсө, Аҕа дойду Улуу сэриитин кыттыылааҕа, ууну-уоту ортотунан ааһан, Улуу Кыайыыны…
Ыам ыйын 6 күнэ. Ил Дархан дойду Үөрэҕин миниистирэ Сергей Кравцовы кытта Дьокуускайдааҕы кадетскай оскуолаҕа…
Сунтаарбыт саамай элбэх үөрэнээччилээх, улахан кээмэйдээх оскуолатыгар быйыл улахан өрөмүөн үлэтэ ыытыллар. "Модернизация школьных систем"…
Дьокуускай куорат аҕам саастаах олохтоохторо түөкүттэргэ итэҕэйэн 23 мөлүйүөн солкуобайы уордарбыттарын туһунан ИДьМ пресс-сулууспата иһитиннэрэр.…