Хаартыска: Sakhagov
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика зонатыгар саҥа авиационнай отделениелары түһүмэҕинэн тэрийии буолар.
Быйыл Эдьигээн уонна Орто Халыма улуустарыгар Авиалесоохрана авиационнай отделениеларын арыйыы былааннанар. Урут Витимнээҕи уонна Саҥыйахтаахтааҕы отделениелар аһыллыбыттара.
Ил Дархан Судаарыстыбаннай мунньаҕар (Ил Түмэҥҥэ) Туһаайыытыгар 2027 сылга Абый улууһугар Белогорскайдааҕы авиационнай отделение аһыллара былааннанарын бэлиэтээбитэ. Кини эппитинэн, РФ бэрэсидьиэнэ Владимир Путин өйөбүлүнэн уонна баһаары сэрэтиигэ ситимнээх үлэ көмөтүнэн эрэгийиэҥҥэ ойуур балаһыанньата биллэ уларыйбыта. Ол курдук, 2025 сылга өрөспүүбүлүкэ сиригэр-уотугар ыксаллаах быһыы-майгы аан бастаан биллэриллибэтэҕэ.
“Ойуур баһаарын иэнэ 160 тыһыынча гектарга тиийэ, ааспыт сыллардааҕар уон төгүл аччаата. Баһаар буолбутун бастакы сууккатыгар баһаардар 63% суох оҥоһуллубута. Бу, 2021 сылы кытта тэҥнээтэххэ, 7 төгүл тубуста. Аргыс уонна пилота суох аппарааттар 160 баһаары (баһаар уопсай ахсааныттан 40%) булбуттара. 16 улууска сөҥүүнү түһэрэргэ салгын суудуналара туһаныллыбыттара”, — диэн Айсен Николаев бэлиэтээн эппитэ.
Баһаартан кутталлаах кэмҥэ бэлэмнэнии чэрчитинэн, күүһү-уоҕу туһаныыга түмүллүбүт былааны оҥоруу салҕанар. Билигин өрөспүүбүлүкэҕэ ойуур баһаарын умулларарга 23 былаан сөбүлэһиннэрилиннэ, икки докумуон Дьааҥы уонна Мииринэй ойуурдарын хаһаайыстыбатыгар үөрэтиллэр. Барыллаан чахчынан, баһаары умулларыыга уонна саахал-быыһыыр дьаһалларга күүһү-кыаҕы уонна үбү туһаныы ахсаана ааспыт сыл таһымынан буолуоҕа.
Саахал-быыһыыр дьаһалларга 442 исписэлиис уонна 36 тиэхиньикэ тардыллыаҕа. Ойуур баһаарын умулларааччыларга 1329 киһи уонна 356 тиэхиньикэ киирсэллэр.
Билигин муниципальнай тэриллиилэр уонна ойуур учаастактарын түүлэһээччилэр күүстэрин, кыахтарын туһунан чахчылары хомуйуу уонна туһааннаах сөбүлэһиилэргэ илии баттааһын үлэлэрэ ыытыллаллар.
Санатан эттэххэ, 2024 сыллаахха Владимир Путин Саха сиригэр сырыытын түмүгүнэн уонна Айсен Николаев этиитинэн үбүлээһин 2025 сылтан 4 миллиард кэриҥэ буолбута. 2026-2027 сылларга үбүлээһин ити кээмэйинэн хаалара сабаҕаланар.
СӨ Ил Дарханын уонна бырабыыталыстыбатын пресс-сулууспата
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…