@mvd_sakha
Муус устар 8 күнүгэр ИДьМ Эдьигээннээҕи отделын учаастактааҕы боломуочунайдара территорияны кэрийэ тахсыбыттара. Кыһыҥҥы суолунан Кыстатыам сэлиэнньэ хайысханан буранынан оройуон кииниттэн 5 км кэриҥэ тэйиччи сиргэ, полицейскайдар тоҥуу хаарга эр киһи таҥаһын бэлиэтии көрбүттэрэ. Ол курдук, тоҥуу хаарга олорор, өйүнэн баайыллыбыт эр киһи көстүбүтэ.
Полиция учаастактааҕы боломуочунайдара бастакы мэдиссиинэ көмөтүн оҥорбуттара уонна киин оройуоннааҕы балыыһаҕа илдьибиттэрэ. Быыһаммыт эр киһи 52 саастаах табаһыт буолара быһаарыллыбыта.
Бүгүн табаһыт Спиридон Васильев полиция үлэһиттэрин Николай Дмитриевы уонна Айсен Шишигины дьиэтигэр ыҥыран ыалдьыттатта. Бу туһунан Ис дьыала министиэристэбин пресс-сулууспата иһитиннэрдэ.
Табаһыт полицейскайдарга ис сүрэҕиттэн махтанна. Спиридон Алексеевич балыыһаттан тахсан, билигин дьиэтигэр салгыы эмтэнэр.
Санатан эттэххэ, бу күннэргэ Эдьигээҥҥэ салгын температурата күнүһүн -12 кыраадыс, түүнүн -20 кыраадыска диэри тымныйа сылдьыбыта. Эр киһи дьолугар полицескайдар кэмигэр быыһааннар, төһө да уһуннук аһаҕас салгыҥҥа сылдьыбытын үрдүнэн, тугун да үлүппэтэҕэ.
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…
Олунньу 4–5 күннэригэр Москваҕа «Крокус Экспо» кииҥҥэ — гражданскай авиация устуоруйатыгар аан бастаан аэропорт уонна…
Чурапчы улууһун Мугудай нэһилиэгин үтүө санаалаах олохтоохторо байыаннай дьайыыга сылдьар уолаттарга тиһигин быспакка күүс-көмө буолаллар.…
Бүгүн, олунньу 3 күнүгэр, Бүтүн Арассыыйа Наукатын уонна Үөһээ Бүлүү улууһун тэриллибит күнүн көрсө, улуус…