Хаартыска: "Эдьигээн сонуннара" хаһыат.
Ил Дархан Айсен Николаев көҕүлээһининэн саҕаламмыт “Кыайыы Знамята” аахсыйа Эдьигээн улууһугар тиийдэ. Кыайыы Знамятын көрсөр чиэскэ улуус киинигэр Эдьигээҥҥэ былаахтаах уонна патриотическай муусукалаах массыынанан сүүрүү буолла.
Эстафетаны Усуйаана улууһа туттарда. Аэропорка Кыайыы Знамятын көрсөр үөрүүлээх тэрээһин буолла.
Знамяны байыаннай дьайыы бэтэрээнэ, анал байыаннай дьайыы кыттыылааҕа, “Хорсун быһыытын иһин” мэтээлинэн уонна “Донбаска баҕа өттүнэн кыттааччы” түөскэ иилинэр бэлиэнэн наҕараадаламмыт гвардия рядовойа Захар Анисимов тутта. Кинини Эдьигээн орто оскуолатын эдэр армеецтара арыаллаатылар.
Эдьигээн улууһун баһылыгын социальнай боппуруостарга солбуйааччы Софья Ефремова, Эдьигээн нэһилиэгин дьокутааттарын сэбиэтин бэрэссэдээтэлэ Ирина Чижевская уонна аэропорт дириэктэрэ Елена Распопова “Кыайыы Знамята” эстафета Аҕа дойду Улуу сэриитигэр кыайыы 80 сылынан, Арассыыйаҕа Аҕа дойдуну көмүскээччи, Өрөспүүбүлүкэҕэ Ийэ дойдуну көмүскээччи сылларынан бэлиэ тэрээһин буолар диэн бэлиэтээтилэр.
Аахсыйа номнуо отут улууска ыытылынна. “Кыайыы Знамята” эстафетаны Эдьигээн улууһуттан салгыы Булуҥ улууһугар тириэрдиэхтэрэ. Ыам ыйын 9 күнүгэр Знамяны өрөспүүбүлүкэ киин куоратыгар – Дьокуускайга көрсүөхтэрэ. Бу туһунан Ил Дархан уонна Бырабыыталыстыба пресс-сулууспата суруйар.
Бүгүн, бэс ыйын 8 күнүгэр, Соҕуруу Африкаҕа Comrades Marathon диэн ультрамарафон 98-с төгүлүн ыытыллыаҕа. Манна…
Бу күннэргэ «Создано на Дальнем Востоке» норуоттар икки ардыларынааҕы креативнай индустрия пуорума киэҥ далааһыннаахтык буолан…
Дьокуускайга Өрөспүүбүлүкэ болуоссатыгар эрдэ тэлгэммит газон сатаан үүммэтэҕинэн сибээстээн, бэдэрээттиир "Сэттэ" тутуу хампаанньата газону уларытар…
Аҕыйах хонуктааҕыта Үөһээ Бүлүүгэ "Бүтэһик чуораан" бырааһынньыгар Гоша Васильев-Джида "Сүрэхпит тэбэрин тухары" ырыатын толорор уолчаан…
СӨ Баһылыгын дьыалаларын управлениета уонна СӨ Бырабыыталыстыбата Дьокуускайга Өрөспүүбүлүкэ болуоссатыгар оҕо эчэйбит быһылаанынан маннык иһитиннэрэр:…
Аллараа Бэстээххэ тимир суол кэлиэҕиттэн, өрөспүүбүлүкэ олохтоохторо арыый да удамыр сыанаҕа пуойаһынан Владивостокка, Нерюнгрига, Благовещенскайга,…