Эдьигээн оройуонугар ситэриилээх былаас отчуотун кэмигэр бырабыыталыстыба бэрэссэдээтэлин бастакы солбуйааччы Дмитрий Садовников уонна СӨ үлэ уонна социальнай сайдыы миниистирэ Елена Волкова оҕолоох дьиэ кэргэттэргэ харчылаах сэртипикэттэри туттардылар.
Ол курдук Наталья, Александр Рассадиннар уонна Тамара ,Александр Сергеевтар дьиэ кэргэттэрэ үһүс оҕо иһин көрүллэр «Семья» диэн өрөспүүбүлүкэтээҕи ийэ хапытаалын 300 тыһ.солк. туттулар.
«Хоту эдэр ыал олохсуйа хааларын көрөр олус үчүгэй. Дьиэ кэргэн тэринэллэр, оҕолорун улаатыннараллар, дойдуларын сайыннараллар. Судаарыстыба соруга — олох олорорго сөптөөх усулуобуйаны тэрийии буолар», – диэн Дмитрий Садовников эттэ.
Бэлиэтээн эттэххэ, Ил Дархан быһаарыытынан, бу сылтан өрөспүүбүлүкэтээҕи ийэ хапытаала икки төгүл үрдээбитэ. Тус сыаллаах «Дети столетия» диэн 2022 cыллаахха олохтоммут хапытаалы 2027 сылга диэри уһатар туһунан быһаарбыттара. Ол курдук индексацияланан хапытаал 110775 солкуобайга диэри үрдээбитэ. Икки сыл иһигэр ийэ хапытаалын Эдьигээн оройуонугар 88 дьиэ кэргэн ылбыт. Оттон өрөспүүбүлүкэ үрдүнэн бу сыыппара 14 тыһыынчаҕа тэҥнэһэр.
Маны сэргэ дьиэ кэргэттэр Арассыыйа өйөбүлүнэн эмиэ туһаналлар. 2020 сыллаахха РФ бэрэсидьиэнэ Владимир Путин быһаарыытынан, ийэ хапытаалын туһанааччы элбээбитэ. Ол курдук, бастакы оҕо төрөөтөҕүнэ эмиэ хапытаал көрүллэр буолбута. 2024 сылга ийэ хапытаала бастакы оҕоҕо үрдээн 631 тыһ.солк. тэҥнэһэр.
Ийэ хапытаалын кытта Арасыыйаҕа атын социальнай төлөбүрдэр эмиэ үрдээбиттэрэ. Ол курдук биирдэ бэриллэр уонна ый ахсын оҕо көрүүтүн иһин көрүллэр босуобуйа, онтон да атын социальнай өйөбүл миэрэлэрэ үрдээбиттэрэ.
Сиһилии https://www.sakha.gov.ru/news/front/view/id/3388078 көрүөххэ сөп.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…