Эдьигээҥҥэ Ан-2 сөмөлүөт саахалланна

«Полярные авиалинии» авиахампаанньа Ми-8 бөртөлүөтэ Эдьигээн улууһугар Ан-2 сөмөлүөтү бэҕэһээ киэһэ көрдүү көппүтэ.

Ол курдук от ыйын  8 күнүгэр  18:00 ч. саҕана Эдьигээн бөһүөлэгиттэн  300 км.сиргэ «Золото Ыныкчана» ХЭУо   Ан-2 сөмөлүөтэ аварийнай түһүүнү (посадка) оҥорбутун туһунан суһал иһитиннэрии киирбитэ.

Бэҕэһээ Тиксии бөһүөлэгиттэн быыһааччылардаах  Ми-8 бөртөлүөт  көтөн,  Ан-2 экипаһын буланнар, Эдьигээҥҥэ аҕалыахтааҕа.