Хаартыска: sakha.gov.ru ылылынна
Эдьигээн улууһугар Бэстээх сэлиэнньэтигэр хочуолунай умайбыта. Билигин онно уотунан ититиини холбууллар.
Бу туһунан СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовниковка буолбут уочараттаах мунньахха иһитиннэрдилэр.
Оскуола-уһуйааҥҥа уонна дьиэлэргэ сылааһы биэрэр тэриллэр уонна уотунан ититэр конвектордар холбоммуттар. Суукка устатыгар сэлиэнньэҕэ барытыгар уотунан ититии бэриллиэ диэн иһитиннэрэллэр.
Билигин миэстэтигэр СӨ ОДьКХ уонна энергетикатын миниистирэ Вячеслав Емельянов салалтатынан бырабыыталыстыба бөлөҕө үлэлиир. Саахал тахсыбытын туоратар, чөлүгэр түһэрэр үлэҕэ 25 исписэлиис тиийбит. Наадалаах матырыйааллар, тэриллэр, ол иһигэр 95 уотунан ититэр конвектор тиэрдиллибит.
—Атыылаһыллыбыт бары тэриллэр бүгүн түүннэри тиэрдилиннилэр. Билигин оскуола-уһуйааҥҥа, элбэх кыбартыыралаах дьиэлэргэ, дьон олорор дьиэтигэр монтажтыыр үлэлэр ыытыллаллар. ОДьКХ уонна энергитикатын миниистирэ иһитиннэрбитинэн, бүгүн суукка устата үлэлээннэр сэлиэнньэни уотунан ититэр тэрилгэ холбуохтара. Салгыы эбийиэктэргэ уонна дьиэлэргэ температураны нуормаҕа киллэриэхтэрэ. Кэмигэр барыта оҥоһулуннаҕына, үлэ сарсыҥҥынан түмүктэниэ. Уотунан сылытыыга былааннамматах ороскуоттар баар буолалларынан, олохтоохтор уонна оскуола-уһуйаан салалтата энергетиктары кытары дуогабар түһэрсиэхтэрэ, — диэн иһитиннэрэр Дмитрий Садовников.
Бырабыыталыстыба Бэрэссэдээтэлин бастакы солбуйааччы бэлиэтииринэн, улуус чахчытынан, нэһилиэнньэттэн үҥсүү суох. Дьону-сэргэни быстах түһэрэргэ бэлэмнээбит сирдэригэр, биэлсэр-акушер пуунугар, ким да наадыйарын биллэрбэтэх. Бары суһал сулууспалар үлэлии олороллор.
Санатан эттэххэ, Эдьигээҥҥэ Бэстээх сэлиэнньэтигэр 2025 сыл тохсунньу 1 күнүгэр сарсыарда эрдэ хочуолунай умайбыта. Оскуола-уһуйааны, биэс олорор дьиэни уонна гарааһы ититиинэн хааччыйан олорбут хочуолунай барыта умайан, чөлүгэр түһэрии хайдах да ыытыллар кыаҕа суох. Баһаар биричиинэтэ быһаарыллар.
СӨ Ил Дарханын уонна Бырабыыталыстыбатын пресс-сулууспата
Арсеньев аатынан бириэмийэ литературнай куонкуруһугар, бириэмийэ официальнай саайтарыгар тахсыбыт балаһыанньа быһыытынан, нууччалыы суруллубут уус-уран уонна…
Саха сирин сүүмэрдэммит хамаандата бу сыл сүрүн күрэхтэһиитигэр – Орел куоракка ыытыллыбыт оҕунан ытыыга Арассыыйа…
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…