Эдьигээҥҥэ эр киһи сүппүт

Бүгүн, алтынньы 15 күнүгэр, СӨ Быыһыыр сулууспатыгар Эдьигээн улууһугар эр киһи сүппүтүн туһунан иһитиннэрии киирбит.

Ол курдук алтынньы 11 күнүгэр 1974 с.т. Баахынай сэлиэнньэтин олохтооҕо дьиэтиттэн тахсан,   Баахынай өрүс диэки барбыт. Нэһилиэнньэлээх пуунтан 10 км сиргэ. Онно эр киһи балаакката баар эбит.  Кэлин биллибитэ, эр киһи тиийиэхтээх сиригэр тиийбэтэх эбит. Билигин ханна баара биллибэт.  Эр киһи соҕотох олорор эбит. Кини сүппүтүн туһунан аймаҕа дьахтар биллэрбит.

Бүгүн  8.30 ч. олохтоох дьон күүһүнэн көрдөөһүн саҕаламмыт. Туһааннаах түгэн СӨ Быыһыыр сулууспатыгар хонтуруолугар ылылынна.