Хаартыска: sakha.gov.ru ылылынна
Эдьигээҥҥэ «Кыайыы 65 сыла» хочуолунайга 4 №-дээх хочуол үлэҕэ киирдэ. Билиҥҥи туругунан онно 7 хочуол үлэлиир.
Температурата билигин 67 кыраадыска тэҥнэһэн турар, «обраткатыгар» – 45 диэн иһитиннэрэллэр.
«Бүгүн, тохсунньу 7 күнүгэр, 19:00 ч. туругунан «Кыайыы 65 сыла» хочуолунайга «4 №-дээх хочуол үлэтэ толору түмүктэннэ. Билигин, аны, оттоллор. Хочуол толору үлэлээн бардаҕына, температуратын көтөҕүөхпүт уонна эрэсиимҥэ киириэхпит. 1 №-дээх хочуол үлэтэ салҕанар. Бүгүн 16:00 чааска саппаас чаастардаах массыына ыытылынна. Дьоҥҥо-сэргэҕэ сылаас буолла диэн бэлиэтэнэр«, — диир «СӨ ОДьКХ» ГУП генеральнай дириэктэрэ Виталий Чикачев.
Бэстээх сэлиэнньэтигэр туһанааччылар уотунан ититиллэр тэрилгэ көһөрүллүбүттэр. «Сахаэнерго» АУо генеральнай дириэктэрэ Петр Кондратьев иһитиннэрбитинэн, уотунан барар тэрил үчүгэйдик үлэлии турар.
Эдьигээн улууһун Бэстээх сэлиэнньэтин баһылыга Петр Афанасьев оскуолаҕа үөрэх олохтоммут кэмигэр саҕаланыа диэн эрэннэрдэ. Уһун сынньалаҥ бүтүөр диэри оскуолаҕа уон кылаас муостатын барытын сылытар былааннаахтар. Билигин түөрт кылааска үлэ түмүктэммит. Сылытарга туттар матырыйааллара барыта Дьокуускайга атыылаһыллыбыт уонна сэлиэнньэҕэ ыытыллыбыт. Сарсын таһаҕас Бэстээххэ тиэрдиллиэхтээх. Оскуолаҕа билигин 20-22 кыраадыс.
«Бэстээх сэлиэнньэтигэр уонна Эдьигээҥҥэ чөлүгэр түһэрии сүрүн үлэлэрэ түмүктэнэн эрэллэр«, — диэн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников этэр. Кини Эдьигээҥҥэ 1 №-дээх хочуолунай өрөмүөнүн, Бэстээххэ оскуоланы сылытарга ыытыллар үлэни былааннаммыт болдьохторугар бүтэрэргэ соруйда.
Нэһилиэнньэлээх пууннарга Эдьигээн улууһун дьаһалтатын, Эдьигээн сэлиэнньэтин, ГПМ, МЧС, «Сахаэнерго» уонна «СӨ ОДьКХ» ГУП бэрэстэбиитэллэрэ күннэри-түүннэри дьуһуурустубалыыллар.
СӨ Ил Дарханын уонна Бырабыыталыстыбатын пресс-сулууспата
Хаартыскалар: СӨ Ил Дарханын уонна Бырабыыталыстыбатын саайтыттан
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…
Олунньу 4–5 күннэригэр Москваҕа «Крокус Экспо» кииҥҥэ — гражданскай авиация устуоруйатыгар аан бастаан аэропорт уонна…
Чурапчы улууһун Мугудай нэһилиэгин үтүө санаалаах олохтоохторо байыаннай дьайыыга сылдьар уолаттарга тиһигин быспакка күүс-көмө буолаллар.…
Бүгүн, олунньу 3 күнүгэр, Бүтүн Арассыыйа Наукатын уонна Үөһээ Бүлүү улууһун тэриллибит күнүн көрсө, улуус…