Эдьигээҥҥэ муниципальнай тэрилтэ үлэһитэ бүддьүөт харчытын уорууга буруйданан суукка эппиэттиэ  

РФ Силиэстийэлиир кэмитиэтин Саха сиринээҕи салалтатын Арктика улуустарын икки ардыларынааҕы Силиэстийэлиир отделынан муниципальнай автономнай тэрилтэ дуоһунастаах үлэһитигэр РФ ХК 159 ыст. 3 чааһынан (түөкүннээһин, ол эбэтэр итэҕэли туһанан атын киһи баайын-дуолун уоруу, бэйэтин дуоһунаһынан туһанан улахан кээмэйдээх буруйу оҥоруу), РФ ХК 33 ыст. 5 чааһынан – 160 ыст. 3 чааһынан (бэйэ дуоһунаһын туһанан атын киһи баайын-дуолун уорууга көмөлөһүү уонна өйөөһүн) уонна РФ ХК 160 ыст. 3 чааһынан (атын киһи баайын-дуолун улахан кээмэйинэн уорууга бэйэтин дуоһунаһын туһаныы) буруйдуур холуобунай дьыаланы силиэстийэлиир үлэни түмүктээтэ.

Бу туһунан РФ Силиэстийэлиир кэмитиэтин Саха сиринээҕи салаатын пресс-сулууспата иһитиннэрэр.

Силиэстийэ быһаарбытынан, 2017 сылтан 2021 сылга диэри кэмҥэ буруйданар киһи, Эдьигээн улууһун муниципальнай автономнай тэрилтэтин кылаабынай буҕаалтырынан үлэлии олорон, дьаһалта үлэһиттэрин итэҕэлин туһанан, тэрилтэ бүддьүөтүн харчытын уоран, бэйэтин дьиэтин интэриниэтин өҥөтүн иһин төлөөн, улахан кээмэйдээх баай-дуол хоромньутун таһаарбыт.

Ол кэнниттэн 2021 сылтан 2023 сылга диэри бу киһи, Эдьигээн улууһугар муниципальнай автономнай тэрилтэ дириэктэринэн олорон, бэйэтин уонна атын куомуннаах дуоһунастаах киһитин дьиэтээҕи интэриниэттэрин өҥөлөрүн иһин бүддьүөт харчытынан төлөөбүттэр.

Буруйданааччы сокуоннайа суох дьайыыларын түмүгэр, тэрилтэ бүддьүөтүгэр улахан хоромньу тахсыбыт. Дуоһунастаах киһи холуобунай дьайыылары оҥорбутугар буруйун толору билиннэ. Оҥоһуллубут хоромньуну толору толуйда. Холуобунай дьыалаҕа буруйдааһыны борокуруор бигэргэттэ, холуобунай дьыала суукка ыытылынна.

Холуобунай дьыала СӨ ИДьМ экэниэмикэҕэ куттала суох буолуутун уонна ис дьыалаҕа управлениетын матырыйаалларыгар олоҕуран тэрилиннэ.