Эдьигээҥҥэ олимпийскай чөмпүйүөн Роман Дмитриев туһунан киинэни устан саҕалаатылар

Эдьигээн улууһун Бэстээх сэлиэнньэтигэр олимпийскай чөмпүйүөн Роман Дмитриев туһунан уус-уран киинэни устан саҕалаатылар диэн мойбизнес14.рф саайт иһитиннэрэр. Бырайыагы режиссер Никита Аржаков салайар.

Киинэни устуу сүрүн үлэлэрэ бу сыл бэс ыйыгар ыытыллыбыттар. «Сарыал» култуура дьиэтин үлэһиттэриттэн хамаанда хомуллубут. Режиссер Никита Аржаков хамаандатыгар биэс киһи киирбит.

Эдэр артыыстар интэриэстээхтик уонна көхтөөхтүк киинэҕэ уһуллубуттар. Кырачаан Романы Альберт Анисимов, кини инитин Гаврил Дмитриевы Витя Гаврильев оонньууллар.

Саҥа киинэҕэ киинэни оҥорон таһаарыыга урбаанньыт, Эдьигээнтэн сылдьар Владимир Иванов кытынна. Кини устуу кэмигэр тэрийээччи быһыытынан сырытта уонна Роман Дмитриев аҕатын оонньоото.

Киинэ прокакка 2025 сылга тахсара былааннанар.