«Арктика» каадырдары бэлэмниир киин Эдьигээннээҕи салаатыгар сыбаарка дьыалатыгар мастырыскыай үөрүүлээх аһыллыыта буолла. Саҥа мастырыскыай үрдүк технологиялаах тэрилинэн толору хааччылынна, диэн Үөрэх министиэристибэтэ иһитиннэрэр.
Мастырыскыай Уһук Илин федеральнай уокурукка киирэр дойду субъектарын экэнэмиичэскэй үүнүү кииннэрин социальнай сайдыытын тэрээһиннэрин олоххо киллэрии чэрчитинэн, РФ Уһук Илини уонна Арктиканы сайыннарыы министиэристибэтин өйөбүлүнэн аһылынна.
«Арктика зонатын сайыннарыы – РФ Бэрэсидьиэнэ Владимир Путин национальнай бырайыактарын соруктарыттан биирдэстэрэ. Биһиги бары бырайыактарбыт Арктика оройуоннарын олохтоохторун өйөөһүҥҥэ туһаайыллаллар. Саҥа мастырыскыай аһыллыыта идэлээх үөрэхтээһиҥҥэ эрэ инники хардыы буолбакка, олох хаачыстыбатыгар дьиҥнээх кылаат: манна оскуола оҕолоро уонна улахан дьон үөрэниэхтэрэ, хос бэлэмнэниэхтэрэ, ону тэҥэ оройуон тэрилтэлэригэр уонна олохтоохторугар бу хайысхаҕа өҥөлөр оҥоһуллуохтара», – диэн ЦПРК «Арктика» дириэктэрин э.т. Алевтина Аргунова бэлиэтээтэ.
«Саҥа мастырыскыай – саҥа кыахтар: идэни баһылааһынтан уонна идэ маастарыстыбатын чөмпүйүөнээттэригэр кыттыыттан саҕалаан, үлэ биэрээччилэр көхтөөх кыттыыларынан араас бырайыактары олоххо киллэриигэ диэри. Үөрэх уонна билим министиэристибэтин, муниципалитеттар уонна үөрэх тэрилтэлэрин бииргэ үлэлээһиннэрин түмүгэр, Саха сирин 13 Арктика оройуонун хас биирдиилэригэр кэллиэс эбэтэр тиэхиньикум биирдии салаата үлэлиэхтээх. Инники хардыы – ЦПРК-ны кытта мобильнай мастырыскыайдары үлэлэтии», – диэн Үөрэх уонна билим миниистирин бастакы солбуйааччы Михаил Присяжнай эттэ.
Санаттахха, ахсынньы 5 күнүгэр ЦПРКА Тиксиитээҕи салаатыгар «Сити-фермерство» уонна «Ас астыыр дьыала» хайысхаларынан мастырыскыайдар аһыллыахтара.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…