Эдьигээҥҥэ суоппардар хары баттастылар

Эдьигээҥҥэ Суоппар күнүн көрсө Муниципальнай тэрилтэлэри хааччыйыы агентствота суоппардар икки ардыларыгар хары баттаһыыга күрэхтэһии ыытта диэн “Эдьигээн сонуннара” хаһыат иһитиннэрэр.

Үс категорияҕа арахсан (70 кг, 80 кг, 80 кг үөһэ ыйааһын) Эдьигээн улууһун араас тэрилтэлэрин тиэйии-таһыы үлэтин хааччыйар үлэһиттэрэ күөн көрүстүлэр.  Тыҥааһыннаах киирсии түмүгүнэн 70 киилэ ыйааһыннаахтар бөлөхтөрүгэр үөрэх салалтатын суоппара Валерий Федоров бастаата. 80 киилэҕэ диэри ыйааһыннаахтар бөлөхтөрүгэр ЫБМ сулууспатын суоппара Александр Бубякин кыайда. Оттон 80 кг үөһэ  ыйаһыннаахтарга улуус дьаһалтатын суоппара Виталий Ермолаев тэҥнээҕин булбата.