Эдьигээҥҥэ сүппүт табаһыты уонна чуум үлэһити булбуттар

Эдьигээҥҥэ ыам ыйын 15 күнүгэр киэһэ сүппүт табаһыты уонна чуум үлэһити булбуттар.

Кинилэри Харлампий диэн оройуон кииниттэн 101 км ыраах сиргэ булбуттар. Бу туһунан Саха сиринээҕи Быыһыыр сулууспатыгар иһитиннэрдилэр. Табаһыт уонна чуум үлэһитэ ыам ыйын 6 күнүгэр снегоходунан сылдьан сүппүттэр. Олохтоох дьон сүппүт дьону булбатахтар. Онон чэппиэргэ быыһыыр эпэрээссийэҕэ «Полярные авиалинии» бөртөлүөтү ыыппыттар.

Сүппүт дьон Харлампий диэн сиргэ ыам ыйын 14 күнүгэр тиийбиттэр. Айанныыр кэмнэригэр снегоходтара ууга тимирбит. Ол кэнниттэн сатыы айаннаабыттар. Табаны иитэр баазаҕа диэри 35 км хаалбыт эрээри, дьон үрэх мууһа барбытынан хаайтарбыттар.

«Эмсэҕэлээбит дьон туруктара үчүгэй. Табаһыттары баазаларын миэстэтигэр тиэрдэргэ быһаарыы ылылынна»», — диэн Саха сиринээҕи Быыһыыр сулууспатыгар кэпсээтилэр.