Хаартыска: ИДьМ пресс-сулууспата
Муус устар 8 күнүгэр киэһэ 17:00 чаас саҕана ИДьМ отделын учаастактааҕы боломуочунайдара — полиция капитана Николай Неустроев уонна полиция лейтенана Айсен Шишигин территорияны кэрийэ тахсыбыттар.
Кыһыҥҥы суолунан Кыстатыам сэлиэнньэ хайысханан буранынан оройуон кииниттэн 5 км кэриҥэ тэйиччи сиргэ, полицейскайдар тоҥуу хаарга эр киһи таҥаһын бэлиэтии көрбүттэр. Ол курдук, тоҥуу хаарга олорор, өйүнэн баайыллыбыт эр киһи көстүбүт. Полиция учаастактааҕы боломуочунайдара бастакы мэдиссиинэ көмөтүн оҥорбуттар уонна киин оройуоннааҕы балыыһаҕа илдьибиттэр. Быыһаммыт эр киһи 52 саастаах табаһыт буолара быһаарыллыбыт.
Бэрэбиэркэ түмүгүнэн быһаарыллыбытынан, эр киһи муус устар 7 күнүгэр киэһэ 18:00 чаас саҕана Эдьигээн бөһүөлэгиттэн 80 км тэйиччи сытар Кыстатыам дэриэбинэҕэ тиийэрдии сатыы барарга быһаарыммыт. Кэлин суолга тырааныспарга түбэһиэм диэн санаабыт да, киэһэтин кыһыҥҥы суолунан айаннаан иһэн, хараҥаҕа суолтан туораабыт уонна тыаҕа мунан эргийэ сылдьыбыт. Онтон сэниэтэ эстэн, тоҥуу хаарга охтубут. Бу күннэргэ Эдьигээҥҥэ салгын температурата -12 кыраадыс тымныы буолбут, оттон түүҥҥү өттүгэр ортотунан -21С диэри тымныйбыт. Эр киһи дьолугар төһө да уһуннук аһаҕас салгыҥҥа сылдьыбытын үрдүнэн, тугун да үлүппэтэх. Доруобуйа харыстабылын тэрилтэтин иһитиннэрэринэн, ыарыһахха туох да куттал суох.
Билигин ИДьМ салалтатынан полицейскайдары Николай Неустроевы уонна Айсен Шишигини эбээһинэстэрин үтүө суобастаахтык толороллорун иһин наҕараадалааһын боппуруоһа быһаарыллар, диэн Саха сиринээҕи ИДьМ пресс-сулууспата суруйар.
Дьокуускайдааҕы куорат суута атын киһи малын-суолун уоран атыылааһыҥҥа холуобунай дьыаланы көрдө. Дьокуускайдааҕы куорат суутуну иһитиннэриитинэн,…
Арассыыйа олохтоохторугар биэнсийэни ыам ыйын 1 күнүттэн кимиэхэ улаатыннаралларын туһунан иһитиннэрдилэр. Ол курдук, муус устар…
Саха сиринээҕи УГМС саайта иһитиннэрэринэн бу өрөбүллэргэ, муус устар 19-20 күннэригэр, инчэҕэй хаар, сорох оройуоннарынан…
"Саха сирэ" хаһыат бүгүн тугу суруйда? СӨ Тыатын хаһаайыстыбатын уонна ас-үөл бэлиитикэтин министиэристибэтэ “СӨ муниципальнай…
Өрөспүүбүлүкэ күнүн иннинэ Дьокуускайга муус устар 25 күнүттэн бүтүн куораттааҕы субуотунньуктар ыытыллаллар. Ол туһунан куорат…
Аан дойду олоҕо урукку хаатыттан тахсан, ханнык сүүрээнинэн барара таабырын буолан турар. Ким баттаһан табыгастаах…