До выборов президента РФ
00 дней
:
00 часов
:
00 минут
:
00 секунд
Эдьигээҥҥэ успуорт саалатын тутууга үп көрүллүөҕэ

Эдьигээҥҥэ успуорт саалатын тутууга үп көрүллүөҕэ

07.12.2022, 12:08
Бөлөххө киир:

Арассыыйа Арктика зонатын сэттэ эрэгийиэнэ социальнай инфраструктураны саҥардыыга биир кэлим субсидия ылыаҕа

Бырабыыталыстыба Бэрэссэдээтэлин солбуйааччы – Уһук Илиҥҥэ РФ Бэрэсидьиэнин боломуочуйалааҕа Юрий Трутнев Арктика сайдыытын боппуруостарыгар судаарыстыбаннай хамыыһыйа президиумун мунньаҕын ыытта. Сүрүн боппуруоһунан Арктика эрэгийиэннэригэр экэниэмикэ сайдыытын кииннэрин социальнай сайдыыларын былаанын көрүү буолла.

“Бастакы боппуруоһунан экэниэмикэ сайдыытын кииннэрин социальнай сайдыыларын былаанын көрүөхпүт. Федеральнай бүддьүөттэн харчы биир кэлим субсидия нөҥүө бэриллэр. Бу ньыма Уһук Илиҥҥэ үчүгэйдик үлэлиир. Бу көмөтүнэн 577 социальнай суолталаах эбийиэктэр киирдилэр, 951 эбиийэк өрөмүөннэннэ”, — диэтэ Юрий Трутнев мунньаҕы арыйарыгар.

Онон сэттэ эрэгийиэн бырайыактарын былаанын көрдүлэр: Коми Өрөспүүбүлүкэтэ, Карелия Өрөспүүбүлүкэтэ, Мурманскай, Архангельскай уобаластар, Чукотка, Ненецкэй автономнай уокурук, Саха сирэ.

«Сэтинньигэ Арктика эрэгийиэннэрин экэниэмикэ сайдыытын кииннэрин социальнай сайдыытыгар Арассыыйа Бырабыыталыстыбатынан 2,6 млрд солкуобай көрүлүннэ.  Ону тэҥэ 7 эрэгийиэн 2023 сылга этиитин көрүөхпүт. Ол курдук, балыыһалары, оскуолалары, уһуйааннары, спортивнай комплекстары тутуу эҥин киирэр. Бу миэрэлэр Арктикаҕа олорор 2,5 мөл киһи олоҕун тупсарыаҕа”, — диэн Юрий Трутнев бэлиэтээтэ.

Саха Өрөспүүбүлүкэтэ 2023 сылга 136 мөл солкуобайы Эдьигээн сэлиэнньэтигэр элбэх өҥөнү оҥорор успуорт саалатын тутууга ылыаҕа.

РФ Бырабыыталыстыбатын саайтыттан

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
24 февраля
  • -30°C
  • Ощущается: -37°Влажность: 63% Скорость ветра: 2 м/с

Сообщить об опечатке

Текст, который будет отправлен нашим редакторам: