Хаартыска: Хаҥалас улууһун дьаһалтатын пресс-сулууспата
Сэтинньи 5-18 күннэригэр Хаҥалас улууһун Ой сэлиэнньэтигэр Эдуард Новиков саҥа уус-уран киинэтин уһулуута салҕаныа.
Саҥа киинэ Николай Лесков «На краю света» сэһэнинэн «Сахафильм» киинэ хампаанньатын көмөтүнэн уһуллар. Бу туһунан оройуон баһылыгын бастакы солбуйааччы Василий Андреевы кытта көрсүһүүгэ кэпсэттилэр диэн Хаҥалас улууһун дьаһалтатын пресс-сулууспата суруйар.
«Эдуард Новиков бырайыага Бэрэсидьиэн пуондатын култуурунай көҕүлээһинин иккис гранын кыайыылааҕынан буолбута. Киинэни уһулуу Чурапчы улууһугар саҕаламмыта уонна быйыл күһүҥҥүттэн Хаҥалас улууһугар салҕанар», — диэн бэлиэтээтэ «Сахафильм» хампаанньа салайааччыта Алексей Егоров. Саас муус устарга киинэ устар бөлөҕө Томпо улууһугар үлэлииргэ былаанныыр.
Киинэҕэ Сибииргэ эдэр сааһыгар олохсуйбут архиепископ устуоруйата кэпсэнэр. Бу иннинэ киинэ режиссера итэҕэл уонна религия тиэмэтэ бүгүҥҥү күҥҥэ олус интэриэһинэй диэн бэлиэтээбитэ. Эдуард Новиков Хаҥалас улууһун олохтооҕо, Арассыыйа кинорежиссердарын Сойууһун чилиэнэ, Арассыыйа кинорежиссердарын гильдиятын чилиэнэ. «Бог», «Свет во тьме», «Плисада», «Айыы уола», «Царь-птица» киинэлэр режиссера. Аан дойду үрдүнэн 2018 сылга кини «Царь-птица» киинэтин премьерата буолбута уонна Москватааҕы киинэ бэстибээлин сүрүн бирииһин ылбыта.
Бу соторутааҕыта Мэҥэ Хаҥалас 1 Наахара нэһилиэгэр – Тиэлиги бөһ. чугастан, ыраахтан мустан, аатырбыт Кэҥэримэ…
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…