Тускулаана ГОРОХОВА-КОБЕЛЬЯНОВА тиксэриитэ
Эдуард Соколов — Тулусхан от ыйын 3 күнүгэр төрөөбүт суруйааччы, эколог, спортсмен, С.А.Зверев — Кыыл Уолун холбоһуктаах түмэлин төрүттээччи, Бүлүү Хотун кыһалҕатын сытыытык туруорбут ньургун уолан, «Ньургуһун» литературнай түмсүүнү кэскиллээхтик салайбыт салайааччы аатын, айар үлэтин үйэтитэн дойдутугар Маар Күөлгэ ыһыах ыһылынна.
Сыл аайы Сунтаар култууратын салалтатын, киин бибилэтиэкэтин ситиминэн тэриллэр «Сунтаар миигин ыҥырар!» ырыа-хоһоон түһүлгэтэ киниэхэ ананан ыһыахха ырыа арааһыгар, хоһоон эгэлгэтигэр ыалдьыттаатыбыт. Тэрээһин ааҕар балаҕаҥҥа Тулусхаҥҥа анаммыт быыстапканан арылынна. Манна бибилэтиэкэ уонна түмэл көмөтүнэн тэриллибит көрдөрүүлэри сэҥээрдибит. Түмэл үлэһитэ Василий Слепцов — Эдуард Соколов бастакы кэргэнинээн Өксүүлүүн хайдах Кыыл Уолун холбоһуктаах түмэлин арыйбыттарын кэпсээн элбэҕи биллибит. Онтон төрөөбүт өтөҕөр, нэһилиэк саҕаланыытыгар турар дьиэтигэр кини аатын көмүс буукубаларынан хатаан өйдөбүнньүк сурук арылынна. Дьэ, ол кэннэ Тургун анна ытык түһүлгэтигэр ыһыах ыһылынна. Манна баара дьуохар кэрэ түгэнэ, ыалдьыт кэнсиэрэ, күүстээхтэр, сүүрүктэр, сымсалар күрэстэрэ, хорчуоппа арааһа, ону кытта Эдуард Соколовка анабыл хоһоон, кэмчи кэрчиктэр түһүлгэлэрэ уонна кини туһунан кинигэлэр сүрэхтэниилэрэ. Анабыл хоһооҥҥо кыайыылааҕынан Тойбохойтон Клара Тихонова, култуура салалтатын «Ньургуһун» литературнай түмсүүгэ сыл аайы аныыр грана Кириэстээхтэн Умтичаанаҕа бэрилиннэ.
Онтон кэмчи кэрчиктэргэ «Дьылҕа» диэн тиэмэнэн кыайыылааҕынан ыалдьыппыт Михаил Санников — Уол Сарсын иккис төгүлүн буолла. Истиҥ эҕэрдэ! Ытык-мааны ыалдьыттарга Афанасий Гуринов — Арчылаҥҥа, Надежда Егорова — Намылыга, Михаил Санников — Сарсын Уолугар, Иван Осиповка — Ойуурга, Айыына Ксенофонтоваҕа уонна ньурбаларга! Тус бэйэм бу ыһыахха ытык-мааны ыалдьыт буолан астынным, дойдум алгыһын Маар Күөлгэ ыллым, хоһоонноотум, дьуохардаатым, ол оннук истиҥ иэйиигэ ыллардым… астык ыһыахха сырыттым!
Тускулаана ГОРОХОВА-КОБЕЛЬЯНОВА
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…