Ээйик оҕолоро оттооһуҥҥа көмөлөһөллөр

Өлөөн улууһун Ээйигэр оскуола үөрэнээччилэрэ сайыҥҥы сынньалаҥнарын туһалаахтык атаараллар. Ол курдук, оҕолор оттооһуҥҥа көмөлөһөллөр. Икки симиэнэнэн үлэлиир “Волонтер” лааҕыры физкултуура учуутала Марислав Вячеславович Иванов салайар. Кинилэр от ыйын 10 күнүттэн үлэлии тахсыбыттара. Уопсайа 20 күн от мунньуохтаахтар.

Төрөппүттэрин курдук туруу үлэһит оҕолор ходуһаҕа саҥа үлэлии тахсааттарын кытта ардаан, улаханнык мэһэйдээбитэ. Ээйик оҕолоро ити курдук, үлэни уонна сынньалаҥы тэҥҥэ дьүөрэлииллэр. Кинилэр мунньубут отторо олохтоох кэпэрэтиип сүөһүтэ сыл тахсарыгар көмөлөһүөҕэ. Саастарын ситэ илик оҕолору дьарыктаах оҥоруу бырагырааматынан олохтоох дьаһалта уонна Нэһилиэнньэ дьарыктаах буолууга киинэ үлэлэтэллэр.