Өрөспүүбүлүкэ оскуолаларын 1985 сыллаахха бүтэрбиттэр түмсүүбүт биэс сыллаах үбүлүөйүн бэлиэтиир тэрээһиннэр буола тураллар.
Үбүлүөйдээх сылбытыгар анаан муус устар 6 күнүгэр Гагарин аатынан Култуура дыбарыаһыгар буолбут үөрүүлээх тэрээһиммитигэр уопсастыбаннай үлэҕэ көхтөөх дьоммутугар СӨ Судаарыстыбаннай Мунньаҕын (Ил Түмэн), Уопсастыбаннай балаата Бочуоттаах грамоталарын, Махтал суруктары туттарбыппыт.
Онтон Өрөспүүбүлүкэ күнүн көрсө, муус устар 24 күнүгэр Ем. Ярославскай аатынан Хотугу сир норуоттарын устуоруйатын уонна култууратын судаарыстыбаннай холбоһуктаах мусуойугар быыстапка арыйдыбыт. Бу тэрээһин соругунан биэс сыл иһигэр араас хайысханан, бырайыактарынан ыытыллыбыт уопсастыбаннай үлэбитин, өрөспүүбүлүкэ араас муннуктарыгар олорор дьоммут талааннарын, дьоҕурдарын, олоххо ситиһиилэрин көрдөрөн киэҥ эйгэҕэ таһаарыы буолар. Манна сериянан тахсыбыт биэс кинигэҕэ киирбит дьоммут кытыннылар.
Оскуоланы бүтэрбиппит 35 сылыгар анаан, хас биирдии кинигэҕэ 35-тии киһи киирбитэ. «Олоххо анал», «Эдэр саас эрчимэ» «Иэйии эйгэтигэр», «Успуорт туонатыгар», «Түмсүүнү түстээччилэр» кинигэ сериятыгар киирбит дьоруойдар аны бүгүн мусуой быыстапкатын саалатыгар үлэлэрин түмүгэ дьон көрүүтүгэр турбута олус долгутуулаах.
Быыстапкабыт устуоруйаҕа киирэр уонна долгутуулаах түгэнинэн өрөспүүбүлүкэ 34 улууһунан уоннуу хонугунан сылдьан үтүө дьыалалары оҥорбут «Үтүө дьыала кубога» уонна биэс сыллаах үлэбит сырдатыллыбыт кинигэ-альбома мусуой пуондатыгар үйэ саас тухары хараллыыга туттарыллыбыта буолла.
Бу үөрүүлээх түгэммитигэр 75 киһи кытынна. Манна мусуой үлэһиттэрин эптэхпитинэ, быыстапка арыллыыта 85 көрөөччүнү түмтэ диэн толору этэр кыахтаахпыт.
Аны ыам ыйын 24 күнүгэр, лоп курдук биир ыйынан өрөспүүбүлүкэ оскуолатын бүтэрбиттэри (атын выпустары) ыҥыран, быыстапканы үөрүүлээхтик түмүктүөхпүт.
Маргарита АКИМОВА
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…