Ефрейтор Алексей Петров Арассыыйа Дьоруойа үрдүк ааты ылла

«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан Арассыыйа Дьоруойа үрдүк ааты ылла. Алексей Саха сиригэр 12-с Арассыыйа дьоруойунан буолла.

Кини Үөһээ Бүлүү улууһун кытыы сытар Маҥаас диэн кыракый нэһилиэктэн төрүттээх. Анал байыаннай дьайыыга Алексей чаҕылхай хорсун быһыыны көрдөрбүтэ. Кини өстөөх позицияларыгар саба түһэн, хас да пулеметнай туочуканы, уонунан боевигы уонна тиэхиньикэни тус бэйэтэ суох оҥорбута. Кытаанах кыргыһыылар кэмнэригэр ыараханнык бааһыран, икки атаҕын сүтэрбитэ, ол да буоллар хас да күнү быһа, сыыла сылдьан өстөөҕү кытары кыргыспыта.

Ефрейтор Петров хорсун быһыыта, эр санаата, тулуура Арассыыйа историятыгар, Ийэ дойдуга бэриниилээх буолуу холобурун быһыытынан сурулунна. Биһиги Дьоруойбутунан киэн туттабыт!

Алексей госпиталга өр кэмнээх эмтэнии кэнниттэн, билигин төрөөбүт дойдутугар кэлэн, Саха сирин улуустарынан доҕотторун көрсө айанныы сылдьар.

Биһиги хаһыаппыт дьоруойа Алексей Петров, кини Арассыыйа Дьоруойугар түһэриллибитин туһунан онно суруйан турабыт.

Хорсун-хоодуот байыас туһунан сиһилии манна ааҕыҥ:

«Медведь» – өлүүнү кыайбыт хорсун байыас