Египет клубниката нуорматтан 14 төгүл элбэх түүнүктээх

Египеттан кэлбит түргэнник тоҥоруллубут клубникаҕа түүнүгэ 14 төгүл, доруоһата 2 төгүл элбэҕэ көһүннэ, диэн Россельхознадзор иһитиннэрбитин РБК суруйар.

Маннык отоннор киһиэхэ аллергическай реакцияны, оһоҕос үлэтэ кэһиллиитин, сүһүрүүнү күөртүөхтэрин сөп. Бу санитарнай быраабыланы тутуспаттан, харайалларыгар уонна тырааныспарынан тиэйэн аҕалалларыгар температураны кэһэллэриттэн тахсар.

Египет клубниката маннык кэһиилээҕин ФГБУ “ЦОК АПК” Воронежтааҕы филиалын лабаратыарыйатын исписэлиистэрэ булан ыллылар. Бэрэбиэркэни 2025 сыл саҕаланыаҕыттан ыыталлар да, боруобаҕа ылыллыбыт отоннорго микотоксиннар элбэхтэрин аан бастаан бэс ыйын 9 күнүгэр буллулар. Ас бородууксуйатын 1135-тэ чинчийбиттэриттэн 388 боруобаҕа хаачыстыбаҕа уонна куттал суох буолуутугар араас кэһиилэр бааллара көһүннэ диэн бэлиэтиир Россельхознадзор.

Египет сыллата Арассыыйаҕа 1,6 тыһ. 2 тыһ. диэри клубниканы атыылыыр. Арассыыйа 2025 сыл кулун тутар ыйыттан клубниканы Кытайтан 3,4 мөл. дуолларга  атыылаһар.