Хаартыска: СИА
Уус Алдан улууһуттан спортсмен Егор Атласов аан бастакытын успуорт карьератыгар мас тардыһыыга аан дойду чөмпүйүөнүн аатын ылла.
Кини Монголияттан уонна Кыргызстантан күрэстэһээччилэри кытта күүстээх көрсүһүүлэргэ кииристэ. Саха сирин спортсмена Егор Атласов 90 киилэҕэ диэри ыйааһыҥҥа Арассыыйа чиэһин көмүскээтэ. Дойду чөмпүйүөнэ уонна өрспүүбүлүкэ чөмпүйэнээтин боруонса призера Бишкекка күүстээх конкуренцияны көрүстэ.
Бастакы хапсыһыыга спортсмен Кыргызстан бэрэстэбиитэлин кыайбыта. Кинини кытта иккис эргииргэ Монголия спортсмена Унурбат Цецгее көрүстэ. Утарсааччыта тириэньэр Айсен Атастыров бэлэмнээбит спортсмена. Кини эмиэ Атласов тус тириэньэрэ буолар. Бу сырыыга Атастыров спортсмен утарсааччытын бэлэмнээбит буолан таҕыста. Күүстээх мас тардыһааччылар икки ардыларыгар интэриэһинэй киирсии, мөккүөрдээх түгэн таҕыста. Ол да буоллар бэрт эрэйинэн кыайыы 2:1 ахсаанынан Атласовка тигистэ.
Финалга эмиэ тэҥ киирсии буолла. Кинини кытта Кыргызстан сүүмэрдэммит хамаандатын лидерэ Чыныбек уулу Русланбек утары таҕыста. Бастакы маһы Кыргызстан хамаандатын бэрэстэбиитэлэ ылбыта, кэлин иккитэ Атласов кыайбыта. Кини бастакытын аан дойду чөмпүйүөнэ буолла.
«Үс хапсыһыы барыта миэхэ уустук этэ. Барыта табыллынна, олус үчүгэй. Финалга киирсиилэр хойутаан буолуохтара дии санаабытым. Мин оннук эрдэ тахсарга бэлэмэ суох этим, ол иһин бастакы маһы биэрбитим. Ол гынан баран кыайдым. Манчаары оонньууларыгар ситиһиилээхтик кыттыахтаахпын», — диэн Атласов кэпсиир.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…