Дьокуускай куорат баһылыгын солбуйааччы Егор Кардашевскай байыаннай дьайыы кыттыылааҕын дьиэ кэргэнин тиэргэниттэн хаары ыраастааһыҥҥа уонна тиэйиигэ субуотунньукка кытынна.
Егор Кардашевскай кэпсээбитинэн, хаары ыраастааһыҥҥа биир погрузчик, биир самосвал уонна 8 үлэһит кыттыбыт. Гагаринскай уокурук олохтооҕо Сардана Кувшинова куорат дьаһалтатыгар уонна управа үлэһиттэригэр көмөлөрүн иһин махтанна.
“Чааһынай дьиэҕэ олорооччуларга уонна дьиэлэригэр эр киһитэ суох дьоҥҥо бу көмө олус наадалаах. Куорат дьаһалтата маннык судургута суох кэмҥэ биһигини олус өйүүр, араас аахсыйалары ыытары таһынан, өйөбүл, көмө оҥорор. Бары боппуруостары суһаллык уонна түргэнник быһаараллар”, — диэтэ Сардана Кувшинова.
Гагаринскай уокурук управатын салайааччыта Евгений Сидоренко бүгүн маннык көмөҕө Гагаринскай уокурукка 14 ыал наадыйарын туһунан иһитиннэрдэ.
“Уопсайа 40 куб хаары ыраастыахпыт. Куорат дьаһалтата управаны кытта бииргэ үлэлиир. Бу аахсыйаны өйөөбүт куорат салалтатыгар махтанабыт”, — диэтэ Евгений Сидоренко.
Маннык субуотунньуктар Дьокуускайга куорат баһылыга Евгений Григорьев сорудаҕынан ыытыллаллар.
Дьокуускай куорат дьаһалтатын пресс-сулууспата
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…