Хаартыска: тэрийээччилэр тиксэриилэрэ
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович Неймохов төрөөбүтэ 75 сылыгар аналлаах тэрээһиннэр быйыл сылы быһа төрөөбүт Томпотун улууһугар, Дьокуускайга уонна өрөспүүбүлүкэ тас өттүгэр киэҥ далааһыннаахтык ыытылыннылар.
Бу күннэргэ олоҕун тиһэх күнүгэр диэри үлэлээн-хамсаан ааспыт Дьокуускай куоратыгар кэккэ тэрээһиннэр буоллулар. Ол курдук, “Саха” Национальнай көрдөрөр-иһитиннэрэр хампаанньа “Олох үөһүгэр” биэриитигэр суруйааччыны ахтан-санаан аастылар.
Ахсынньы 18 күнүгэр Б.Ойуунускай аатынан Литература мусуойугар Егор Неймохов олоҕун, айар үлэтин көрдөрөр саҥа кинигэ-альбом уонна кини огдообото Мария Неймохова “Айарга абылыыр ахтылҕаным” диэн электроннай-кинигэтэ сүрэхтэннилэр.
Егор Неймохов айымньыларынан уһуллубут “Хара мааска”, “Ильмень күөлгэ туруйалар”, “Мой убийца” уо.д.а. киинэлэр нэдиэлэни быһа босхо көрдөрүлүннүлэр.
Сарсын, ахсынньы 19 күнүгэр киэһэ 18.00 чаастан Саха тыйаатырыгар саха норуодунай суруйааччыта Егор Петрович Неймохов төрөөбүтэ 75 сылыгар аналлаах «Олох – үйэлээх хапсыhыы» түмүктүүр тэрээhиҥҥэ ыҥыраллар. Кэнсиэркэ Томпо улууһун айар талааннаахтара: Егор уонна Михаил Колодезниковтар, Юлия Ефимова, Айталина Лавернова, Егор Толбонов, Эдуард Рудых, Кылаан Кындыл, Роман Ефимов, Линда Захарова, Мира Охлопкова, Миа Куо уонна улуус уус-уран самодеятельноһа кыттыахтара. Кэнсиэр Е.Неймохов айымньыларынан, киинэлэринэн киэргэтиллэн, баһырхай фантазиялаах талааннаах Роман Тырахинов режиссердааһынынан туруоруллар. Кэнсэри саха сирин көмүс куолаһа, диктор Эдуард Рудых салайан ыытыа. Кэнсиэртэн киирбит үп-харчы Егор Неймохов «Быһах биитинэн» айымньытынан туруохтаах киинэ сценарийын суруллуутугар бэриллиэҕэ.
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…