Егор Никифоров-Басхаай: «Ийэ сир куйаҕа…»

Куонкуруспут 19-с кыттааччыта Бүлүү Тылгыныттан  Егор Никифоров-Басхаай:

Ийэ сир куйаҕа

Дойдугар туһалаах буоларыҥ,

Дуона суохтан, олох дьоҕустан,

Ол курдук сыыҋа саҕаланан,

Олоххо буһан-хатарыллан.

Кыра балтыгын да көмүскээн,

Кыратык охсуһа түһэҥҥин,

Көмүскүүр диэннэрин билэҥҥин,

Куккар иҥэн, билэн иһиэҕиҥ.

Үтүөнү үтүөнэн сыаналыыр,

Төрөөбүт алааскын харыстыыр,

Онтон барыта саҕаланар,

Тус, Иҋэ дойдугар тапталыҥ.

Ханна да ыраата сылдьаҥҥын,

Төрөөбүт түөлбэҕин саныаҕыҥ,

Дьонноргун олуһун ахтыаҕыҥ,

Сүрэххэр, дууһаҕар иҥэриэҥ.

Сааскын ситэҥҥин сириэдийиэҥ,

Ийэ сиргэр иэс төлүү барыаҥ,

Андаҕар биэрэҥҥин дьиҥнээҕин,

Ийэ сириҥ куйаҕа буолуоҥ.

Хоодуот уоланнар бастакынан,

Туруннугут дойдуну көмүскээн,

Долгуйуу долгуна түллэҥнээн,

Эйэлээх олоҕу эргитэн.

Куруутун Ийэ сир чөл буоллун,

Туругура-чэчирии турдун,

Быстах былыт күнү саппатын,

Хаҕыс тыал үрбэтин тастан.