Хаартысканы Егор Сидоров тиксэрдэ
Ньурба улууһун Таркаайы нэһилиэгин дьоно-сэргэтэ байыаннай эпэрээссийэҕэ сылдьар уолаттарыгар көмөҕө биир киһи курдук кытта олороллор. Ол туһунан нэһилиэк олохтоох салайыныытын бэрэстэбиитэллээх уорганын дьокутааттарын Сүбэтин бэрэссэдээтэлэ Егор Сидоров кэпсиир.
— Биһиги нэһилиэктэн байыаннай эпэрээссийэҕэ атын сиртэн (улуустан) барбыттары ааҕан туран, уопсайа, 9 киһи кытта сылдьар, мантан иккитэ бэйэ баҕа өттүнэн сулууспалыыр. 3 уол араас көрүҥнээх эчэйии ылан, госпиталларга эмтэнэ сылдьаллар.
Былырыын байыаннай эпэрээссийэҕэ быстах ыҥырыы буолбутугар олохтоох дьаһалта дьокутааттардыын бу байыаннай эпэрээссийэҕэ барбыт уолаттарга уонна кинилэр дьиэ кэргэттэригэр туох дьаһаллары ылынан көмөнү оҥорор туһунан дьүүллэспиппит. Ол түмүгэр билигин олохтоох дьаһалтаттан 157 000 солк. көмө оҥоһуллубута. Ону таһынан хас биирдии ыал көмөнү оҥорууттан туора турбакка, 180 000 солк. харчыны хомуйан, уолаттар дьиэ кэргэттэрэ байыаннай сулууспалаах уолаттарга эмп атыылаһалларыгар уонна айаннарыгар туһаннылар. Тыа сиригэр олорорбут быһыытынан дьиэ кэргэттэргэ от-мас, муус уо.д.а. курдук үлэлэргэ көмө оҥоһуллар, Киирэп чоҕун разреһа босхо чох көрдө.
«Биир сомоҕо» диэн аһымал кэнсиэртэн 31 000 солк. киирбитин таһынан, А.А. Моргусов аатынан «Талба» Норуот айымньытын дьиэтин үлэһиттэрэ биир күннээҕи хамнастарын 29 048 солк. хомуйбуттара. Быстах ыҥырыынан байыаннай сулууспаттан кылгас уоппускатыгар кэлэ сылдьар уолбутугар киирбит көмөнү миэстэтигэр туттардылар. Оскуола кэлэктиибэ байыаннай эпэрээссийэҕэ сылдьар үлэһиттэрин дьиэ кэргэнигэр мас мастыы тахсыахтаахтар, кинилэр коллегаларыгар биир күннээх хамнастарын хомуйан, биэрэн олороллор.
Байыаннай эпэрээссийэ ыарахан усулуобуйатыгар сылдьар уолаттарбытыгар күүс-көмө уҕараабат, этэҥҥэ эргиллэн кэлиэхтэрэ диэн эрэлбит күүстээх.
Бүгүн Арассыыйа Дьоруойа Дмитрий Куценко төрөөбүт, улааппыт улууһугар Өлүөхүмэҕэ тиийдэ. Дьоруойу оҕолуун улаханныын бары аэропорка…
Саха сиригэр Самбо федерациятын бэрэсидьиэнэ, РФ үтүөлээх тириэньэрэ Вячеслав Литавин этэринэн, "Саха сирэ -- дьоруойдар…
ИДьМ Дьокуускайдааҕы 1-кы №-дээх полиция салаатын дьуһуурунай чааһыгар сүтүктээх дьахтартан үҥсүү киирбит. Ол курдук, кини…
Халаан кэмигэр ууну ыраастыыр систиэмэлэргэ кирдээх уу киирэр. Итинэн сибээстээн, «Водоканал» ууну ыраастыыр ньымаҕа уонна …
Муус ааһыытын кэмигэр Саха сиригэр түөрт нэһилиэк ууга барар кутталлааҕын туһунан гидрометкиин сэрэтэр. Өскөтүн, Өлүөнэ…
Ыам ыйын 8 күнүгэр Дьокуускайга 24 саастаах эр киһи сибэкки атыылыыр маҕаһыыҥҥа киирэн 750 солкуобайдаах…