Эһэ арыытын уонна кини олохтоохторун туһунан кэпсэттилэр

Аллараа Халыма оройуонугар Судаарыстыбаннай Дуума дьокутаата Галина Данчикова Эһэ арыыта диэн судаарыстыбаннай заповедник салайааччыта Иван Суздаловы кытта көрүстэ.  Аллараа Халымаҕа киэҥник биллэр, 15 сыл устата  оройуон баһылыгынан үлэлээбит киһи күн бүгүн Халыма  брендэ буолбут үрүҥ эһэлэри харыстыыр үлэнэн дьарыктанар.

Иван Павлович арыыга бэйэтин үлэтин-хамнаһын туһунан сырдатта. Кэмиттэн-кэмигэр үрүҥ эһэлэр ахсааннара элбиир. Научнай үлэһиттэр харахтарын далыгар үрүҥ эһэлэр эрэ буолбакка, сэдэх көтөрдөр, кыыллар эмиэ бааллар.

Айылҕа заповеднигын салайааччы Иван Суздалов этэринэн, бу саас Илин Сибиир муоратын кытылыгар модульнай кордону аҕалан архипелаг арыытыгар быһаччы тиэрдэргэ суол-иис ураты эпэрээссийэтэ оҥоһуллубут. Заповедник «Өлүөнэ очуостара» национальнай паарка иһигэр киирэр уонна федеральнай бүддьүөттэн үбүлэнэр.  Кини сайдыытын кытта Саха сирин экологическай туризма ситимнээх. Бу туһунан Галина Данчикова социальнай ситимҥэ суруйар.