Fantasy Olonkho мультимедийнэй быыстапкаҕа “Кэрэмэс” устуудьуйа “Эһээ” диэн мультипликационнай киинэтэ бастаата диэн Сунтаар улууһун дьаһалтатын пресс-сулууспата иһитиннэрэр.
Сунтаар улууһун Кириэстээх орто оскуолатыгар «Кэрэмэс» анимационнай ойуулуктары оҥорор устуудьуйа үлэлиир. Бу устуудьуйаны уруккута нэһилиэк кулуубугар методиһынан үлэлии сылдьыбыт Анатолий Афанасьев тэрийэн үлэлэтэр. Кини билигин оскуолаҕа технология учууталынан үлэлии киирдэ.
Ааспыт сылтан ойуулуктары интэриэһиргээн, сахалыы тылынан анимацияны оҥорон саҕалаабыта. Үлэлэрин дьон көрүүтүгэр таһааран, Бүтүн Арассыыйатааҕы, норуоттар икки ардыларынааҕы күрэстэргэ кыттан, инники миэстэлэри ситиспитэ. Ол кэннэ “Эһээ” ойуулугунан улуус уонна өрөспүүбүлүкэ баһылыгын гранын кыайыылааҕа буолбута.
Быйыл тэтимин намыраппакка «Мичийээнэ» диэн олоҥхо үгэһигэр олоҕурбут анимационнай киинэтинэн граннарга киирсэн, улуустан 25 тыһыынча солкуобайдаах култуураҕа көҕүлээһин гранын, Ил Дархан 246 тыһыынча солкуобайдаах гранын ылла.
Көрүллүбүт үбүнэн устуудьуйатыгар улахан кыамталаах көмпүүтэри, планшеты уонна монитору ыларга туһаныаҕа.
Бу ойуулуктары «Саха» тэлэбиидэнньэтин «Чохоон» ютуб-ханаалыгар көрүөххүтүн сөп.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…