Эһэттэн куотан муммут киһини буллулар
29.08.2025, 20:09

СӨ Быыһыыр сулууспатын архыыбыттан
Бөлөххө киир:
Нерюнгри оройуонун Улахан Хатымы сэлиэнньэтин таһыгар сүппүт эр киһини буллулар. Тыыннаах, мэдиссиинэ көмөтүгэр наадыйбат диэн СӨ Быыһыыр сулууспата иһитиннэрдэ.
Быыһааччылар кэпсээбиттэринэн, кини нэһилиэнньэлээх пуунтан 10 км тэйиччи турар сиргэ сылдьыбыт. Суолун эһэттэн куотан сүтэрэн кэбиспит.
1969 с.т. эр киһини атырдьах ыйын 27 күнүттэн быыһааччылар көрдөөбүттэрэ. Бу киһи атырдьах ыйын 24 күнүгэр сүппүт, ону бастаан аймахтара көрдүү сатаабыттар.
Бүгүн Нерюнгритааҕы этэрээккэ Алданнааҕы кэллиэгэлэрэ холбоспуттар. Кинилэр Ыллымахха пансионат олохтооҕо киһи сүппүтүн булбуттара.
Сообщить об опечатке
Текст, который будет отправлен нашим редакторам: