Хаартыска: СИА
2024 сылга 30 социальнай эбиийэк тутуллан, үлэҕэ киириэҕэ. Ол туһунан тутуу миниистирэ Виктор Романов иһитиннэрдэ.
Владимир Путин көҕүлээбит «Үөрэҕирии» национальнай бырайыак чэрчитинэн, 2640 миэстэлээх 13 оскуола уонна 315 миэстэлээх уһуйаан, ол иһигэр Дьокуускайга 570 миэстэлээх Адаптивнай-үөрэтэр комплекс тутуллуохтара.
«Манчаары оонньууларын» көрсө Ытык Күөлгэ 1000 миэстэлээх стадион, спортивнай-чэбдигирдэр комплекс уонна доруобуйа харыстабылын эбийиэктэрэ тутуллуохтара.
Ону тэҥэ, 690 тыһ.кв.м. иэннээх олорор дьиэ тутуллан киириэҕэ, 5 тыһыынча киһини хаарбах дьиэттэн көһөрүөхтэрэ.
Вице-премьер Дмитрий Садовников салайааччылаах мунньахха ааспыт сыл түмүктэрин эмиэ таһаардылар.
Ааспыт сылга 554,8 тыһ.кв.м. иэннээх олорор дьиэ тутуллан киирбит. 2019 сылтан 579 тыһ.кв.м. иэннээх хаарбах дьиэттэн 30,5 тыһыынча киһи көһөрүллүбүт.
2023 сылга чэпчэтиинэн туһанар 1045 киһи олорор усулуобуйатын тупсарыыга 1,1 миллиард солкуобайы ыыппыттар. Бу — инбэлииттэр, инбэлиит оҕолоох ыаллар, байыаннай дьайыы бэтэрээннэрэ, элбэх оҕолоох ыаллар, тулаайахтар, Уһук Хотуттан көһөн барар дьон.
2023 сылга «Жилье и городская среда», «Демография», «Здравоохранение», «Образование», «Культура» национальнай бырайыактарынан уонна өрөспүүбүлүкэтээҕи бырайыактарынан 45 эбийиэк, ол иһигэр 41 социальнай хайысхалаах эбийиэк тутулуннулар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…