Эһиил биэнсийэ алын кээмэйэ төһө буоларый?
Эһиил биэнсийэ алын кээмэйэ төһө буоларый, туох уларыйыылар киирэллэр?
2025 сылга биэнсийэ алын кээмэйэ 15 250 солк. буолуоҕа. Бу дойду үрдүнэн биэнсийэлээхтэргэ олохтоммут тиийинэн олоруу алын кээмэйэ. Биэнсийэ төлөбүрэ бу көрдөрүүттэн намыһах буолуо суохтаах диэн Судаарыстыбаннай Дуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Светлана Бессараб быһаарда.
Кини дойду хас биирдии субъега бэйэтэ тиийинэн олоруу алын кээмэйин олохтуурун уонна федеральнай таһымыттан намыһах буолуо суохтааҕын чуолкайдаата.
«Эрэгийиэҥҥэ тиийинэн олоруу алын кээмэйэ федеральнай таһымыттан намыһах буолар түгэнигэр федеральнай бүддьүөттэн эбии төлөнүөхтээх, оттон үрдүк буоллаҕына эрэгийиэн бүддьүөтүттэн төлөнөр», — диэн Светлана Бессараб эттэ. Кини быһаарбытынан, дойду олохтооҕун социальнай биэнсийэтэ тиийинэн олоруу алын кээмэйиттэн намыһах буоллаҕына, бу суумаҕа диэри эбии төлөбүр ананар.
Билигин дойду үрдүнэн тиийинэн олоруу алын кээмэйэ:
- үлэлиир дьоҥҥо -16 844 солк.;
- биэнсийэлээхтэргэ — 13 290 солк.;
- оҕолорго — 14 989 солк.
2025 сылга тиийинэн олоруу алын кээмэйэ үлэлиир дьоҥҥо — 19 329 солк., оҕолорго — 17 201 солк., биэнсийэлээхтэргэ — 15 250 солк. буолуоҕа.
Сообщить об опечатке
Текст, который будет отправлен нашим редакторам: