Хаартыска: Мария Васильева, ЯСИА.
2026 сылга хат буолууга уонна оҕолонууга бэриллэр босуобуйа муҥутуур кээмэйэ улаатыа.
2023 сылы кытта тэҥнээтэххэ, муҥутуур суумата 2,5 төгүлтэн тахса үрдүө. Оччоҕо босуобуйа 955 тыһыынча солкуобайтан тахса буолуо. Бу сыыппаралары Социальнай пуонда салайааччыта Сергей Чирков ТАСС-ка иһитиннэрдэ.
«Муҥутуур төлөбүр улаатар динамиката элбэҕи этэр. 2023 сыллаахха хат буолууга уонна оҕолонууга бэриллэр босуобуйа муҥутуур кээмэйэ 383 178 солкуобайы тэҥниир эбит буоллаҕына, 2024 сылга 565 562 солкуобайга диэри улаатта. 2025 сылга төлөбүр 794 355 солкуобайга тиийэн, оттон 2026 сылга 955 836 солкуобай буолуо. Онон, үс сыл иһигэр — 2023 сылтан 2026 сылга диэри — босуобуйа муҥутуур кээмэйэ 2,5 төгүлтэн тахса улаатыа», — диэн Чирков ааҕан таһаарда.
Чирков бэлиэтээбитинэн, босуобуйа дьахтар толору орто хамнаһынан ааҕылларын ситиһэргэ, дэкириэт уоппускатыгар тахсыан иннинээҕи икки эрэ сыллаах официальнай үлэ ыстааһа сөп буолар.
«Официальнайдык үлэлиир буолуу сүрүн төлөбүрдэр, ол иһигэр хат буолууга уонна оҕолонууга бэриллэр босуобуйа, кээмэйдэрин олохтуурга тутаах оруолун анаан туран бэлиэтиэхпин баҕарыам этэ. Чуолаан сокуоннайдык үлэлиир статус, страховой усунуостар төлөнөллөрүн мэктиэлиир буолан, босуобуйаны ылар быраабы эрэ буолбакка, ону таһынан дьахтарга анаан муҥутуур кээмэйин быһаарар сүрүн төрүөт буолар», — диэн Чирков суруналыыстарга кэпсээтэ.
Аҕа дойду Улуу сэриитигэр Кыайыы 80 сылыгар «Кыайыы Харыйатын уруһуйдаа» диэн норуоттар икки ардыларынааҕы уруһуй…
Дьокуускай-Аллараа Бэстээх хайысханан "Халыма" федеральнай суолунан Өлүөнэ өрүһү туоруур кыһыҥҥы суолу 2026 сыл тохсунньу 5…
ОДьКХ үлэһиттэригэр Аҕа дойду Улуу сэриитигэр Кыайыы 80 сылыгар анаммыт бэтэрээннэргэ көмө оҥорор «80 үтүө…
Дьааҥы улууһун борокуратуурата бырааһы сымыйа докумуона оҥорууга буруйдаан, холуобунай дьыаланы суукка ыытта. Силиэстийэ барылынан, буруйданааччы…
Күһүҥҥү былыттар ааһан, кыыдааннаах кыһын бастакы тыына биллибитигэр, Саха сирин киэҥ нэлэмэн тайҕата хаар маҥан…
Сэтинньи 4 күнүгэр Национальнай бибилэтиэкэҕэ Норуот сомоҕолоһуутун күнүгэр анаммыт «Ускуустуба түүнэ» бүтүн Арассыыйатааҕы аахсыйа ыытылынна.…