Эһиил Кэбээйигэ ыытыллар Олоҥхо ыһыаҕар бэлэмнэнии саҕаланна

2026 сылга Олоҥхо ыһыаҕа Кэбээйи улууһун  Кэбээйи сэлиэнньэтигэр Уһун Хонуу ытык сиргэ ыытыллыаҕа.

Бу суолталаах тэрээһиҥҥэ бэлэмнэнии номнуо саҕаламмытын туһунан СӨ  Култуураҕа уонна духуобунас сайдыытыгар миниистирэ Афанасий Ноев бэйэтин  ТГ-ханааалыгар сырдатта:

«Олунньуга СӨ Бырабыыталыстыбатын бэрэссэдээтэлин солбуйааччы Сергей Местниковы кытта ыһыах түстэнэр түһүлгэтин көрөн-истэн, торумнаан кэлбиппит. Бүгүн Кэбээйи улууһун баһылыгын эбээһинэһин толорооччу Александр Сивцевы уонна улуус култууратын управлениетын салайааччы Илья Алексеевы кытта тэрээһин уопсай боппуруостарын ырыттыбыт. Кэбээйи дьоно-сэргэтэ өрөспүүбүлүкэтээҕи улахан ыһыаҕы олус долгуйа күүтэллэр, ыалдьыттары көрсөргө бэлэмнэнэллэр«.