Эһиил Саха сиригэр «Казахфильм» күннэрэ буолуоҕа
16.09.2023, 16:11
Хаартыска - СӨ Аҕа баһылыгын уонна Бырабыыталыстыбатын пресс-сулууспата
Бөлөххө киир:
Бу күннэргэ култуура миниистирэ Юрий Куприянов салайааччылаах Саха сирин кинематографистара Казахстан Өрөспүүбүлүкэтигэр айар командировкаҕа сылдьаллар.
Бэҕэһээ, балаҕан ыйын 15 күнүгэр, «Казахфильм» киинэ хампаанньата уонна СӨ Култуура уонна духуобунай сайдыы министиэристибэтэ, «Сахафильм» киинэ хампаанньата бииргэ үлэлээһиҥҥэ илии баттастылар.
Биллэн турар, киинэ индустрията сайдыытыгар кэккэ үлэ былааннанна. Биир бастакы бырайыак — сыл бүтүүтүгэр Саха сиригэр «Казахфильм» киинэ хампаанньата кылгас метражтаах киинэлэрин бэстибээлэ ыытыллыаҕа. Маны таһынан, 2024 сылга Саха сиригэр Казахстан киинэлэрин күннэрэ ыытыллыаҕа.
Балаҕан ыйын 18 күнүгэр «Саха – Казахскай кинематография сайдыыта уонна бииргэ үлэлээһин тосхоллоро» төгүрүк остуолга санаа атастаһыыта буолуоҕа, кэскиллээх бииргэ үлэлээһин барыла торумнаныаҕа.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: