Эһиил Саха сирин 66 оскуолатыгар хапытаалынай өрөмүөн ыытыллыа

Кэлэр сылга өрөспүүбүлүкэ 26 улууһун уонна куораттааҕы уокуругун 66 оскуолатыгар хапытаалынай өрөмүөн ыытыллыа.

Быйылгы сылга оскуолалары саҥардыы түмүгүн итиэннэ кэлэр сыллааҕы былааны СӨ Бырабыыталыстыбатын бэрэссэдээтэлин солбуйааччы Сергей Местниковка буолбут мунньахха кэпсэттилэр.

РФ Бырабыыталыстыбатын 2021 сыллааҕы дьаһалынан, Саха сирин оскуолаларын саҥардыыга 2,8 млрд. солк. федеральнай субсидия көрүллүбүт. Итинтэн 2022 сылга – 2,5 млрд. солк. тахса, 2023 сылга 25 улуус уонна куорат уокуруктарын 58 оскуолатын саҥардыыга – 356,89 мөл. солк.

Барыта 38 оскуолаҕа хапытаалынай өрөмүөн бүппүт. Быйыл 20 оскуолаҕа саҕаламмыт өрөмүөн 2023 сылга түмүктэниэхтээх.  Ити туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

“Кэлэр сыллааҕы өрөспүүбүлүкэ сайаапката толору ылылынна. Сүүмэрдээһини өрөспүүбүлүкэ өссө 46 эбийиэгэ ааста. Биһиги балаҕан ыйын 1 күнүгэр үөрэх 66 эбийиэгин саҥардыахтаахпыт. Бу балачча улахан үлэ итиэннэ өрөмүөнү ыытыыга, тэрилинэн хааччыйыыга улахан эппиэтинэһи эрэйэр”, — диэн Сергей Местников эттэ.

Вице-премьер өрөмүөнү муус устартан саҕалыыр туһугар, бары тэрийэр-бэлэмниир үлэни суһаллык ыыталларыгар министиэристибэлэргэ, биэдэмэстибэлэргэ сорудахтаата.  Хас биирдии оскуолаҕа тутуу матырыйаалын уонна тэрилин логистикатын усулуобуйатын учуоттаан “дорожнай карта” бэлэмнииргэ ыйыыны биэрдэ.

Санатан суруйдахха, өрөспүүбүлүкэҕэ үөрэх систиэмэтин саҥардыы бырагырааматын олоххо киллэриинэн, уопсайа, 146 оскуоланы саҥардар былааннаахтар.

Кэлэр сылга маннык оскуолаларга хапытаалынай өрөмүөн ыытыллар:

1. Абый улууһун Сутуруоха сэлиэнньэтин Ураһалаах оскуолата,
2. Булуҥ улууһун Тикси бөһүөлэгин Арктикатааҕы гимназията,
3. Булуҥ улууһун Быыкап сэлиэнньэтин Быыкап оскуолата,
4. Бүлүү улууһун Илбэҥэ сэлиэнньэтин М.А.Алексеев аатынан Баппаҕай оскуолата,
5. Бүлүү улууһун Эбэ сэлиэнньэтин Сэбиэскэй Сойуус дьоруойа Н.А.Кондаков аатынан Дьөккөн оскуолата,
6. Дьааҥы улууһун Бала сэлиэнньэтин Арыылаах оскуолата,
7. Дьокуускай куорат 7-с нүөмэрдээх оскуолата,
8. Дьокуускай куорат 26-с нүөмэрдээх оскуолата,
9. Дьокуускай куорат 29-с нүөмэрдээх оскуолата,
10. Дьокуускай куорат 12-с нүөмэрдээх оскуолата,
11. П.Н. уонна Н.Е.Самсоновтар ааттарынан Хатас оскуолата (Дьокуускай куораттааҕы уокурук),
12. Маҕан оскуолата (Дьокуускай куораттааҕы уокурук),
13. Дьокуускай куорат 13-с нүөмэрдээх оскуолата,
14. Дьокуускай куорат Н.О.Кривошапкин аатынан 5-с нүөмэрдээх оскуола,
15. Дьокуускай куорат 19-с нүөмэрдээх оскуолата,
16. Дьокуускай куорат 24-с нүөмэрдээх оскуолата,
17. Табаҕа оскуолата (Дьокуускай куорат уокуруга),
18. Дьокуускай куорат 38-с нүөмэрдээх оскуолата (алын сүһүөх оскуола),
19. Дьокуускай куорат 38-с нүөмэрдээх оскуолата (улахан оскуола),
20. Дьокуускай куораттааҕы Саха гимназия,
21. Тулаайах уонна төрөппүт көрүүтэ суох оҕолорго аналлаах өрөспүүбүлүкэтээҕи анал (коррекционнай) оскуола-интэринээт,
22. Горнай улууһун Кэптин сэлиэнньэтин Кэптин оскуолата,
23. Эдьигээн улууһун Эдьигээн сэлиэнньэтин оскуолата,
24. Эдьигээн улууһун Р.М.Дмитриев аатынан Бэстээх оскуолата,
25. Ленскэй улууһун Ленскэй куорат 1-кы нүөмэрдээх оскуолата,
26. Мэҥэ Хаҥалас улууһун А.С.Шахурдин аатынан Төҥүлү оскуолата,
27. Мэҥэ Хаҥалас улууһун К.О.Гаврилов аатынан Бүтэйдээх оскуолата,
28. Муома улууһун Хонуу сэлиэнньэтин Муома алын сүһүөх оскуолата,
29. Нам улууһун Остуолба сэлиэнньэтин М.К.Аммосов аатынан Хатырык оскуолата
30. Ньурба улууһун Н.И.Прокопьев аатынан Хатыы оскуолата,
31. Ньурба улууһун Хатыҥ Сыһыы сэлиэнньэтин К.Д.Уткин аатынан Марха оскуолата,
32. Өлүөхүмэ улууһун Дэлгиэй оскуолата,
33. Өлөөн улууһун Ээйик оскуолата,
34. Орто Халыма улууһун Орто Халыма куоратын Н.И.Шарин аатынан оскуолата,
35. Сунтаар улууһун А.А.Иванов-Күндэ аатынан Кутана оскуолата,
36. Сунтаар улууһун И.С.Иванов аатынан Сунтаар 2-с нүөмэрдээх оскуолата,
37. Таатта улууһун Д.А.Петров аатынан Ытык Күөл 2-с нүөмэрдээх оскуолата (1 куорпус),
38. Таатта улууһун Д.А.Петров аатынан Ытык Күөл 2-с нүөмэрдээх оскуолата (2 куорпус),
39. Таатта улууһун А.И.Софронов аатынан Ытык Күөл 1-кы нүөмэрдээх оскуолата,
40. Таатта улууһун Н.Д.Неустроев аатынан Уус Таатта оскуолата,
41. Усуйаана улууһун Хаһааччыйа оскуолата,
42. Хаҥалас улууһун Улахан Аан сэлиэнньэтин М.Е.Васильева аатынан 2-с Малдьаҕар оскуолата,
43. Хаҥалас улууһун Покровскай куорат 4-с нүөмэрдээх оскуолата,
44. Хаҥалас улууһун И.Н.Козлов аатынан Бэстээх оскуолата,
45. Хаҥалас улууһун А.Д.Широких аатынан Төхтүр оскуолата,
46. Хаҥалас улууһун Тиит Эбэ сэлиэнньэтин П.С.Скрябин аатынан 1-кы Дьөппөн оскуолата.

Икки сыллаах өрөмүөн:

1. Үөһээ Бүлүү улууһун Үөһээ Бүлүүтээҕи И.Н.Барахов аатынан 1-кы нүөмэрдээх оскуола,
2. Кэбээйи улууһун Сангаар 1-кы нүөмэрдээх оскуолата,
3. Хаҥалас улууһун Чапаев сэлиэнньэтин Өктөмнөөҕү билим-үөрэтэр киин,
4. Уус Маайа улууһун Бэлькичи оскуолата,
5. Бүлүү улууһун Г.И.Чиряев аатынан Бүлүү 1-кы нүөмэрдээх оскуолата,
6. Хаҥалас улууһун А.В.Дмитриев аатынан Ой оскуолата,
7. Нерюнгри улууһун анал (коррекционнай) интэринээт-оскуола,
8. Томпо улууһун Кэскил сэлиэнньэтин Е.Е.Протопопов аатынан Саһыл оскуолата,
9. Кэбээйи улууһун П.А.Ламутскай аатынан Сэбээн Күөл оскуолата,
10. Дьааҥы улууһун Томтор сэлиэнньэтин Боруулаах оскуолата,
11. Өлүөхүмэ улууһун Амма-Өлүөхүмэ оскуолата (орто оскуола дьиэтэ),
12. Өймөкөөн улууһун И.В.Хоменко аатынан Уус Ньара оскуолата,
13. Үөһээ Халыма улууһун Зырянка оскуолата,
14. Үөһээ Халыма улууһун Уһун Күөл сэлиэнньэтин Арыылаах оскуолата,
15. Абый улууһун Киэҥ Күөл сэлиэнньэтин С.Ф.Марков аатынан Уолбут оскуолата,
16. Үөһээ Халыма улууһун Н.И.Спиридонов-Тэкки Одулок аатынан Нелемнэй оскуолата,
17. Абый улууһун Кэбэргэнэ сэлиэнньэтин Майыар оскуолата,
18. Өлөөн улууһун Өлөөн сэлиэнньэтин Х.М.Николаев аатынан оскуолата,
19. Орто Халыма улууһун Г.Г.Софронов аатынан Өлөөкө Күөл оскуолата,
20. Усуйаана улууһун Депутатскай бөһүөлэгин оскуолата.