Хаартыска: ru.freepik.com
Уоппусканы былааннааһын – сынньанар сири талыы эрэ буолбатах, үп-харчы былааннааһына эмиэ буолар. Эспиэрдэр бигэ хамнастаах үлэһиттэргэ ханнык ыйдарга сынньанар ордук барыстаах буолуоҕун туһунан кэпсээтилэр. Бу туһунан Гарант.ру суруйар.
Кэлэр сылга уоппускаҕа саамай табыгаһа суох ыйдарынан тохсунньу (баара-суоҕа 15 үлэ күнэ), ону таһынан олунньу уонна ыам ыйдара (19-туу үлэ күнэ) буолаллар. Бу ыйдарга сынньалаҥ үпкэ-харчыга биллэ уустук буолар, тоҕо диэтэххэ биир үлэ күнүн сыаната саамай үрдүк.
Оттон 2026 сылга уоппускаҕа барыыга саамай табыгастаах ыйынан 23 үлэ күннээх от ыйа буолуоҕа. Ону таһынан, муус устар, балаҕан ыйа, алтынньы уонна ахсынньы эмиэ бэлиэ кэмнэринэн буолуохтара – бу ыйдарга 22-лии үлэ күнэ баар. Кинилэртэн кыратык хаалан иһэллэр 21-дии үлэ күннээх кулун тутар, бэс ыйа уонна атырдьах ыйа.
Сынньалаҥ уһунун уоппуска төлөбүрүн ордук бараабакка эрэ уһатар туһугар, бырааһынньык күннэригэр болҕомтоҕутун уурарга сүбэлэнэр. Инньэ гынан Саҥа дьылга бырааһынньыктарыгар 12 күнү субуруччу сынньаныахтара диэн иһитиннэриллибитэ. Холобур, ахсынньы 29-31 күннэригэр үс эрэ күнү уоппускаҕа ыллахха, бүтүн икки нэдиэлэ субуруччу – ахсынньы 29 күнүттэн тохсунньу 11 күнүгэр диэри – сынньаныахха сөп. Өссө биир табыгастаах түгэн муус устар бүтүүтүгэр түбэһэр: бу ый 27-30 күннэригэр уоппусканы ыллахха, ыам ыйынааҕы бырааһынньыктарга сэттэ хонук устата эбии сынньалаҥы бэлэхтиэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…