Хаартыска Нам улууһун дьаһалтатын пресс-сулууспатыттан
Быйылгы ыраах айан суоппардарын өрөспүүбүлүкэтээҕи ыһыахтара Дьокуускай куоракка үрдүк таһымнаахтык буолан ааста.
Оттон эһиилги, 2025 сыллаах, ыраах айан суоппардарын өрөспүүбүлүкэтээҕи 7-с ыһыаҕа Нам улууһугар ыытыллара былааннанар. Бүгүн, от ыйын 29 күнүгэр, Нам улууһун бэрэстэбиитэллэрэ Николай Дьяконов, Александр Новгородов, Семен Бочкарев ыраах айан суоппардарын өрөспүүбүлүкэтээҕи ыһыахтарын Ытык дуоҕатын улуус баһылыгар Юрий Слепцовка туттардылар.
Улуус баһылыга Юрий Слепцов кэпсэтии түмүгүнэн ыһыах тэрээһинигэр анал хамыыһыйа тэриллиэҕэ диэн эттэ диэн Нам улууһун дьаһалтатын пресс-сулууспата иһитиннэрэр.
Ыраах айан суоппардара сүрүннээн Арктика уонна өрөспүүбүлүкэ суола-ииһэ мөлтөх хоту улуустарыгар таһаҕас тиэрдэллэр. Онон кинилэр Саха сирин уһук сытар улуустарын олоҕо-дьаһаҕа кэскиллээхтик сайдарыгар сүрүн оруолу ылаллар.
«Бүгүн Нам улууһун баһылыгын Юрий Слепцову кытары ыраах айан суоппардарын өрөспүүбүлүкэтээҕи 7-с ыһыаҕын ыытар туһунан кэпсэттибит. Былырыын маннык ыһыах Чурапчыга, быйыл Дьокуускайга буолан ааста. Биһиги, ыраах айан суоппардара, урбаанньыттар буолабыт. Туспа туох даҕаны түмсүүбүт, ассоциациябыт суох, ол эрээри бу эйгэҕэ үлэлии сылдьар дьону, чуолаан, бэтэрээн суоппардары маннык тэрээһини ыытан, бэлиэтиир, чиэстиир туһунан толкуйдуубут. Ол туһунан бүгүн кэпсэттибит. Көрсүһүүгэ ыраах айан суоппардара өрөспүүбүлүкэтээҕи ыһыахтарын Ытык дуоҕатын улуус баһылыгар Юрий Слепцовка туттардылар», — диэн урбаанньыт Николай Дьяконов санаатын үллэһиннэ.
Тыа сиригэр киһи хараҕар быраҕыллар хамсааһынынан бу ааспыт сылга тыа хаһаайыстыбатын дьоҕус эбийиэктэрин тутуу буолла.…
ИДьМ Хаҥаластааҕы отделын дьуһуурунай чааһыгар олохтоох дьахтартан сайабылыанньа киирбит. Ол курдук дьахтар баайын-дуолун алдьатаннар, 45…
Айсен Николаев Уһук Илин сайдыытын социальнай-экэнэмиичэскэй боппуруостарын РФ Бырабыыталыстыбатын хамыыһыйатын сүбэ мунньаҕар кыттыыны ылла. Ол…
Халлаан арыый сылыйда да Дьокуускай куорат кытыы уулуссаларынан бэйдиэ сылдьар ыт ахсаана элбээн барар. Бүгүн…
Кырачаан Айыына Кожурова бэйэтин уонна дьиэ кэргэнин туһунан видеоҕа уһулан олус сэргэхтик уонна холкутук кэпсиирин,…
Ааспыт сууккаҕа Саха сиригэр буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…