Бырабыыталыстыба таһымыгар бу күннэргэ эһиил Өймөкөөн улууһугар ыытыллар Олоҥхо ыһыаҕар бэлэмнэнии мунньаҕа буолла.
Бу туһунан улуус баһылыга Иннокентий Сивцев маннык иһитиннэрдэ:
— Култуура миниистирин солбуйааччы Владислав Левочкины кытта Олоҥхо ыһыаҕар бэлэмнэнии хаамыытын билиһиннэрдибит. Салгыы ыһыах эбийиэктэрин тутуу үлэлэрин туһунан тутуу миниистирин бастакы солбуйааччы Галина Новикова кэпсээтэ. Айан суолун туругун туһунан миниистири бастакы солбуйааччы Анатолий Потапов сырдатта. Тэрээһин мунньах кыттыылаахтара Олоҥхо ыһыаҕар бэлэмнэнии чэрчитинэн ыытыллар үлэ былаанын уонна тутуу эбийиэктэрин сметатын бигэргэттилэр.
Кэлэр нэдиэлэҕэ Томторго транспорт министиэристибэтин эппиэттээх үлэһиттэрэ кэлэн, олохтоох салайааччылары кытта көрсөн, тирээн турар боппуруостары быһаарсыахтара. СӨ Бырабыыталыстыбатын бэрэссэдээлин солбуйааччы Сергей Местников алтынньы саҥатыгар Томтор нэһилиэгэр кэлэн, ыытыллар үлэни-хамнаһы билсиэҕэ, олохтоохтору кытта көрсүөҕэ. Бу күннэргэ кэлиэхтээҕин, күн-дьыл усулуобуйата мэһэйдээн, салайааччы Томторго кыайан кэлбэтэҕэ.
Оттон Томтор нэһилиэгин олохтоохторо Олонхо ыһыаҕар бэлэмнэнии чэрчитинэн тэрилтэлэринэн уочаратынан тахсан, араас субуотунньуктары ыыталлар.
Ол курдук, бу күннэргэ Тойон түһүлгэ тутууларын кырааскалааһыҥҥа көмө-субуотунньук буолла. Онно орто оскуола кэлэктиибэ — барыта 20-чэ киһи тахсан үлэлээтэ.
«Ити курдук нэһилиэк олохтоохторо тэрилтэлэринэн тахсан, Олоҥхо ыһыаҕар бэйэлэрин сүҥкэн кылааттарын киллэрэллэр» диэн улуус баһылыгын Олоҥхо ыһыаҕар бэлэмнэниигэ эппиэттээх бэрэстэбиитэлэ Никифор Протопопов иһитиннэрдэ.
Елена ПОТОЦКАЯ, «Саха сирэ» хаһыат.
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…