Салгыы
Эһиилгиттэн обществознаниены 9-с кылаастан үөрэтэр буолуохтара

Эһиилгиттэн обществознаниены 9-с кылаастан үөрэтэр буолуохтара

15.04.2024, 10:18
Хаартыска: Мария Васильева, СИА.
Бөлөххө киир:

Кэлэр 2025 сыл балаҕан ыйын 1 күнүттэн обществознание биридимиэтин 6-8-с кылаас бырагырааматыттан таһаарыахтара итиэннэ 9-с кылааска биир чааһы хаалларыахтара диэн сонуну тарҕатар киин ситимнэр иһитиннэрэллэр.

“Сүрүн уопсай үөрэхтээһин былааныгар олоҕуран, обществознание 9-с кылааска үөрэтиллэр, уопсай сүбэлиир (рекомендованный) чаастара 34 чааска тэҥнэһэр, 34 нэдиэлэлээх үөрэххэ нэдиэлэҕэ биирдии чаас” – диэн докумуоҥҥа ыйыллар.

Обществознание саҥардыллыбыт кууруһа ордук быраактыкаҕа чугас буолуоҕа итиэннэ сүрүн судаарыстыбаннай эксээмэн (ОГЭ), биир кэлим судаарыстыбаннай эксээмэн (ЕГЭ) сорудахтарын онно олоҕуран оҥоруохтара диэн суруйаллар.

Билигин обществознаниеҕа үлэ бырагырааматыгар сөп түбэһиннэрэн, 6-9 кылаастар нэдиэлэҕэ биирдии чаас үөрэнэллэр. 10-с кылааска биир чаас, 11-с кылаастар уруккутун курдук икки чаас үөрэтиэхтэрэ диэн ыйыллар.

Эрдэ хаалбыт чааһы устуоруйа уруогар биэриэхтэрэ диэн этэн тураллар. Бу уларыйыылар 2025 сыл балаҕан ыйын 1 күнүттэн киириэхтэрэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
30 мая
  • 18°C
  • Ощущается: 17°Влажность: 48% Скорость ветра: 3 м/с

Сообщить об опечатке

Текст, который будет отправлен нашим редакторам: